رەسەي قورعانىس مينيسترلىگى شىعىس اسكەري وكرۋگىنىڭ پوليگوندارىندا قىركۇيەكتىڭ 1-7 ارالىعىندا وتەتىن «ۆوستوك-2022» ستراتەگيالىق وقۋ-جاتتىعۋلارىنا شىۇ مەن ۇقشۇ-نىڭ 50 مىڭنان استام اسكەري قىزمەتكەرى قاتىساتىنىن حابارلادى.

رەسەي قورعانىس مينيسترلىگىنىڭ مالىمەتىنشە، وقۋ-جاتتىعۋلارعا 5 مىڭ قارۋ-جاراق پەن اسكەري تەحنيكا، ونىڭ ىشىندە 140 ۇشاق جانە 60 اسكەري كەمە قاتىسادى. وقۋ-جاتتىعۋلار بۋردۋنى، گورياچيە كليۋچي، كنياز-ۆولكونسكي، لاگۋننوە، سەرگەەۆسكي، تەلەمبا، ۋسپەنوۆسكي پوليگوندارىندا، وحوت تەڭىزى مەن جاپون تەڭىزىنىڭ سۋلارىندا وتەدى.

قورعانىس مينيسترلىگى وقۋ-جاتتىعۋلار «شىعىس اسكەري وكرۋگىنىڭ جاۋاپكەرشىلىك ايماعىندا رەسەي فەدەراتسياسى مەن ونىڭ وداقتاستارىنىڭ اسكەري قاۋىپسىزدىگىن قامتاماسىز ەتۋ مۇددەسىندە» وتكىزىلىپ جاتقانىن مالىمدەدى. جاتتىعۋلارعا قىتاي، بەلارۋس، قازاقستان، قىرعىزستان، ءۇندىستان، تاجىكستان، موڭعوليا جانە باسقا دا ەلدەردىڭ اسكەريلەرى قاتىسادى.

Abai.kz