الماتى اكىمى ەربولات دوساەۆ زاماناۋي مەكتەپتەرگە قويىلاتىن تالاپتار تۋرالى ساۋالعا جاۋاپ بەردى.

دوساەۆ ءبىلىم بەرۋ سالاسىنىڭ، مەكتەپتىڭ دامۋى ءوز باسىم ءۇشىن، ءارى اكىم رەتىندە دە ەڭ ماڭىزدى باسىم باعىت بولىپ تابىلادى دەدى.

Almaty.tv الماتىدا «ءبىلىم مەگاپوليسى: بولاشاق مەكتەبى قانداي بولۋى كەرەك» اتتى تامىز كونفەرەنتسياسى ءوتتى دەپ حابارلايدى. وسى فورۋمدا قالا اكىمىنە:

- مەكتەپ ادامىنىڭ بولاشاق جەتىستىككە جەتۋىنىڭ نەگىزگى تاعانتاسى بولىپ تابىلاتىندىعىمەن كەلىسەسىز بە، سول سەبەپتى زاماناۋي مەكتەپ قانداي تالاپتارعا جاۋاپ  بەرۋگە ءتيىس؟ دەگەن ساۋال قويىلدى.

مەگاپوليس اكىمى ەربولات دوساەۆ:

- مەن الماتىدا تۋىپ ءوستىم. اۋەلى وربيتا ىقشاماۋدانىنداعى 68-ءشى مەكتەپكە باردىم. كەيىن   رەسپۋبليكالىق فيزيكا-ماتەماتيكالىق مەكتەپتە ءبىلىمىمدى جالعاستىردىم. بىراق فيزيكا مەن ماتەماتيكادان العان ءبىلىمىم قازىرگى قىزمەتىمىمە تىكەلەي بايلانىستى بولماسا دا، ءالى كۇنگە دەيىن وزىمە كومەكتەسىپ كەلەدى.

ءبلىم بەرۋ سالاسىنىڭ، مەكتەپتىڭ دامۋى ءوز باسىم ءۇشىن، ءارى اكىم رەتىندە دە ەڭ ماڭىزدى باسىم باعىت بولىپ تابىلادى. ءبىلىمىنىڭ ساپالى بولۋى ءبىزدىڭ بالالارىمىزدىڭ بولاشاعىنا زور اسەر ەتەدى.  ارينە بۇعان اتا-انا مەن قورشاعان ورتا بەرەتىن تاربيەنى دە قوسۋعا ءتيىسپىز. مەكتەپ دەگەنىمىز  – بۇل بولاشاق تابىستارىمىز بەن جەتىستىكتەرىمىزدىڭ تاعانتاسى.

الەمدە زامانالىق ءبىلىم بەرۋدىڭ ترەندى قانداي بولۋ كەرەكتىگىنە ارنالعان زەرتتەۋ وتە كوپ. يەل ۋنيۆەرسيتەتىنىڭ سوڭعى زەرتتەۋىندە بۇعان 5 قاعيدات جاتقىزىلىپ ءجۇر. STEM پرينتسيپتەرى بارلىق مەكتەپتە قولدانىلۋى كەرەك. زامانالىق  تەحنولوگيالار، ماسلەن، الەمدى وزگەرىسكە ۇشىراتۋدا. وسىنىڭ ءبارىن ءبىزدىڭ بالالارىمىزدا پايدالانۋى ءۇشىن ولار تسيفرلى الەمگە جاقىن بولۋعا ءتيىس. ەكىنشىدەن، بالالارعا ارنايى كوڭىل بولەتىن مۇمكىندىك پايدا بولدى. ءار بالا تۋا بىتە دارىندى بولىپ تابىلادى. ەڭ باستىسى –  وسى دارىندىلىقتى تاپ باسىپ تاني ءبىلۋ. ەگەر ءبىز ونىڭ دارىنىن اشىپ، كومەكتەسە بىلەتىن بولساق، وندا بۇل تەك ونىڭ عانا ەمەس، بارشا ەلىمىز ءۇشىن دە جەتىستىك بولىپ تابىلادى.

ساپالى ادام كاپيتالى دەگەنىمىز – بۇل ءبىزدىڭ كەز كەلگەن دامۋىمىزدىڭ اسىرەسە ەكونوميكا سالاسىنىڭ نەگىزى. مىسالعا، Tamos مەكتەبى كوپتەن بەرى جوعارى ساپالى ستاندارتتاردى تانىتىپ، ۇنەمى وزگەرىسكە ءتۇسىپ كەلەدى. ال، بۇعان جاڭا مەكتەپتەر اراسىنان NGS, ءۋاليحانوۆ مەكتەبىن جاتقىزا الامىز. Prometeus, Zaman سىندى ەكى جاڭا مەكتەپ اشىلادى. باسىم كوپشىلىكتى مەملەكەتتىك مەكتەپتەر قۇراپ قۇراسا دا، جەكەمەنشىك مەكتەپتەردە دامۋعا تيىستىگىن باسا ايتقىم كەلەدى. ماسكەۋ قالاسىنداعى مەكتەپتەردىڭ شيرەك بولىگى جەكەمەنشىك.  تاپ وسىنداي ستاتيستيكانىڭ ءبىزدىڭ قالامىزدا دا ورىن العانىن ءوز باسىم قالالار ەدىم.

تاعى ءبىر ماڭىزدى دۇنيە بالالاردى تسيفرلى الەمگە دەگەن كوزقاراسىن قالايشا تاربيەلەۋىمىز كەرەكتىگى بولىپ سانالادى. تسيفرلىق ازاماتتى قالىپتاستىرۋعا قادام جاساۋ دەگەنىمىز - بۇل مەكتەپ جاسىنا دەيىنگى بالالاردى جاڭا تەحنولوگياعا، ءبىلىم بەرۋ ادىستەرىنە بەيىمدەۋ ماسەلەسى.

ءوز باسىم، مەكتەپتەگى ەڭ زور ماسەلە بۇل – پسيحولوگيا بولىپ تابىلادى دەپ سانايمىن. پاندەميا ءوز كەزەگىندە ءبىزدىڭ بالالارىمىزدىڭ ساناسىنا ەرەك اسەر ەتىپ،  سترەسكە قارسى تۇراقتىلىققا قولجەتكىزۋىمىز كەرەكتىگىن ناقتىلادىۆ. سوندىقتان وسى باعىتتاعى جۇمىساتاردى جالعاستىرا تۇسۋگە ءتيىسپىز.

بۇل ەڭ باستىسى، ارينە، ءسىز، قىمباتتى ۇستاز، ءسىزدىڭ بىلىكتىلىگىڭىز، ءبىلىمىڭىز، قيىننان جول تابا ءبىلۋىڭىز. سانامالاعانداردىڭ بارلىعى دابارشا ءبىلىم بەرۋ جۇيەسىنىڭ دامۋىنىڭ كەپىلدىگىنىڭ جيىنتىعى بولىپ تابىلادى. مەنىڭشە، باستى نازاردى ۇدايى ءبىلىم جەتىلدىرۋگە، ءوزارا ءبىلىم الماسۋعا، تۇيتكىلدى ساۋالدارعا جاۋاپ ىزدەۋگە، ءوز شاكىرتتەرىڭىز وقۋىن جانداندىرۋ ءۇشىن ءتيىمدى ءام ايىرىقشا شەشىم تابۋ جولدارىن ىزدەستىرۋگە اۋدارۋلارىڭىز كەرەك.

Abai.kz