قازاق شەكاراشىلارىنىڭ يتشە تەپكىلەنگەنى راس پا؟
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆقا
قازاقستان رەسپۋبليكاسى باس پروكۋرورى اسحات داۋىلباەۆقا
الماتى وبلىسىنىڭ اكىمى اڭسار مۇساحانوۆقا
وتكەن جىل قازاق شەكاراشىلارى ءۇشىن وڭاي بولمادى. ارقانكەرگەندەگى قاندى قىرعىننان باستالعان قاسىرەت جىل اياعىندا 27 ازاماتتىڭ ءومىرىن الىپ كەتكەن شىمكەنتتەگى اۆياپاتپەن اياقتالدى. قازاق ەلى ءبىر جىلدىڭ ىشىندە ءبىر ەمەس، ەكى رەت قارا جامىلىپ، ساربازدارىن جوقتادى. بالە-جالانىڭ بارلىعى وسىمەن كەتسىن دەپ تىلەپ ەدىك...
كۇنى كەشە رەداكتسيامىزعا الماتى وبلىسىنداعى وقىرمانىمىزدان مىناداي حات كەلدى. اڭگىمە ارقاۋى تاعى دا قازاق شەكاراشىلارى جايىندا ەكەن. وقىرمانىمىز بىلاي دەپ جازادى:
«30 جەلتوقساندا ۇيعىر اۋدانىنىنىڭ قىتايمەن ەكى اراداعى شەكاراسىندا ورنالاسقان قالجات اۋىلىندا جەرگىلىكتى تۇرعىندار شەكاراشى ءۇش وفيتسەردى بالا-شاعالارىنىڭ كوزىنشە يتشە تەپكىلەپ، ءولتىرىپ تاستاي جازدادى. قازىرگى كەزدە ولاردىڭ ۇشەۋى دە اسا اۋىر قالدە اۋرۋحانادا جاتقان كورىنەدى. كورگەندەردىڭ ايتۋىنشا، ساباۋشى جاقتا وتىزدان استام ادام بولىپتى. ادامداردىڭ شاقىرۋىمەن جەتكەن پوليتسيانىڭ ۋچاسكەلىك ينسپەكتورى دا ەش قارەكەت قىلا الماعان.
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى نۇرتاي ابىقاەۆقا
قازاقستان رەسپۋبليكاسى باس پروكۋرورى اسحات داۋىلباەۆقا
الماتى وبلىسىنىڭ اكىمى اڭسار مۇساحانوۆقا
وتكەن جىل قازاق شەكاراشىلارى ءۇشىن وڭاي بولمادى. ارقانكەرگەندەگى قاندى قىرعىننان باستالعان قاسىرەت جىل اياعىندا 27 ازاماتتىڭ ءومىرىن الىپ كەتكەن شىمكەنتتەگى اۆياپاتپەن اياقتالدى. قازاق ەلى ءبىر جىلدىڭ ىشىندە ءبىر ەمەس، ەكى رەت قارا جامىلىپ، ساربازدارىن جوقتادى. بالە-جالانىڭ بارلىعى وسىمەن كەتسىن دەپ تىلەپ ەدىك...
كۇنى كەشە رەداكتسيامىزعا الماتى وبلىسىنداعى وقىرمانىمىزدان مىناداي حات كەلدى. اڭگىمە ارقاۋى تاعى دا قازاق شەكاراشىلارى جايىندا ەكەن. وقىرمانىمىز بىلاي دەپ جازادى:
«30 جەلتوقساندا ۇيعىر اۋدانىنىنىڭ قىتايمەن ەكى اراداعى شەكاراسىندا ورنالاسقان قالجات اۋىلىندا جەرگىلىكتى تۇرعىندار شەكاراشى ءۇش وفيتسەردى بالا-شاعالارىنىڭ كوزىنشە يتشە تەپكىلەپ، ءولتىرىپ تاستاي جازدادى. قازىرگى كەزدە ولاردىڭ ۇشەۋى دە اسا اۋىر قالدە اۋرۋحانادا جاتقان كورىنەدى. كورگەندەردىڭ ايتۋىنشا، ساباۋشى جاقتا وتىزدان استام ادام بولىپتى. ادامداردىڭ شاقىرۋىمەن جەتكەن پوليتسيانىڭ ۋچاسكەلىك ينسپەكتورى دا ەش قارەكەت قىلا الماعان.
وسىلايشا قازاق شەكاراشىلارىن اۋىل ورتاسىندا قورلاعانداردىڭ بىرنەشەۋى ىلە-شالا وزدەرىن اقتاۋ ءۇشىن، ءبىر-ءبىرىنىڭ اياقتارىنان رەزىڭكە وقپەن اتىپ، جابىرلەنۋشى رەتىندە كورىنۋ ءۇشىن دەرەۋ قۇقىق قورعاۋ ورگاندارىنا ارىزدانىپتى. كورشىلەس جاتقان قازاق اۋىلدارى كوتەرىلمەك بولعاندا اۋدان اكىمى مەن پروكۋرورى، پوليتسيا باستىعى جانە تاعى باسقا دا اتقامىنەرلەر بارىپ، ەكى جاقتى تاتۋلاستىرعان بولعاندارىمەن، ەل ءىشىن ءتۇرلى اڭگىمەلەر كەزىپ ءجۇر. اۋداندىق اتقارۋشى بيلىك پەن قۇقىق قورعاۋ ورگاندارى شەكارا تۇبىندەگى ۇلتارالىق قاقتىعىستى جاسىرىپ قالۋ ءۇشىن جاندارىن سالۋدا. ءتىپتى شەكاراشىلاردى ايىپتاۋلارى دا مۇمكىن...»
بۇگىنگى كۇنى، وقىرمانىمىزدىڭ ايتۋىنشا، شەكاراشىلار مەن كەدەنشىلەر قىزمەتتەستەرىنىڭ كەگىن الماق بولعاندارىمەن، بيلىكتىڭ توقپاعىنا كونىپ، بارماقتارىن تىستەپ وتىر. جاعداي وسىلاي جالعاسا بەرەتىن بولسا، ءتۇبى ۇلكەن ءبىر سويقاننىڭ بولارى انىق.
الماتى وبلىسىندا وسىعان دەيىن دە كوپتەگەن قاقتىعىستار ورىن العان بولاتىن. بىراق، رەسمي بيلىك پەن قۇقىق قورعاۋ ورگاندارىنا قارسىلىق كورسەتۋ، ولاردى تەپكىنىڭ استىنا الۋ - بۇل ەندى شەكتەن شىعۋ. ونىڭ ۇستىنە بۇعان «ەتنوسارالىق جانجال» دەگەن جالعاۋ قوسىلعان بولسا، ەلدىگىمىز بەن تۇتاستىعىمىزعا سىن.
سوندىقتان مىنا جايتكە ەلىمىزدىڭ قۇزىرلى ورگاندارى بەي-جاي قارامايدى دەپ سەنەمىز. جوعارىدا اتالعان بيلىك ورگاندارى نەمەسە ولاردىڭ رەسمي وكىلدەرى رەداكتسيامىزعا حابارلاسىپ، وقيعانىڭ ءمان-جايىن انىقتاۋعا كومەكتەسەدى دەگەن ۇمىتتەمىز.
«Abai.kz»
