ىقشام-اقپار

25 قاڭتار، 2013 جىل، ش.ايمانوۆ اتىنداعى "قازاقفيلم" كينوستۋدياسى،

"كينو الاڭى" ءماجىلىس زالى، ساعات 11.00

قاتىسۋشىلار: مۇرات اۋەزوۆ، ءاسانالى ءاشىموۆ، ءالميرا ناۋرىزباەۆا،

ءاليا بوپەجانوۆا، ديدار امانتاي.

ۇيىمداستىرۋشى: مۇحتار اۋەزوۆ قورى

2011-2012 جىلدارى پاريج، انكارا جانە ۇلان-باتور قالالارىندا قازاقتىڭ بەلگىلى جازۋشىسى، قارا ءسوزدىڭ شەبەرى، كينودراماتۋرگ ديدار امانتايدىڭ كەزىندە الماتىدا جارىق كورگەن "قارقارالى باسىندا" اتتى پروزا كىتابىنىڭ فرانتسۋز، تۇرىك جانە مونعول تىلدەرىنە اۋدارىلعان تارجىمە نۇسقالارى باسىلىپ شىقتى.

پاريجدە شىققان كىتاپقا "گۇلدەر مەن كىتاپتار" رومانى ەندى، العىسوزىن ءبىرتۋار اقىن، زاڭعار ويشىل ولجاس سۇلەيمەنوۆ جازدى. جالپى، بۇل كىتاپتىڭ پاريجدە جارىق كورۋىنە ولجاس سۇلەيمەنوۆ زور قامقورلىق جاسادى. قازاق تىلىنەن فرانتسۋزشاعا تارجىمەلەگەن - ايتقالي باقىتوۆ، ال رەداكتورلىق جۇمىستى اتقارعان - فرانتسيا ازاماتى. كەيىن بۇل اۋدارما كىتاپ جونىندە مادەنيەتتانۋشى البەر فيشلەر سىني ماقالا جازىپ، وي-پىكىرىن ءبىلدىردى.

كىتاپتىڭ تۇرىكشە نۇسقاسى "گۇلدەر مەن كىتاپتار" رومانى مەن "تولەۋتاي اقساقالدىڭ نەمەرەسى» اڭگىمەسىنەن قۇراستىرىلدى، اۋدارماشىسى - بەلگىلى شوقايتانۋشى، قالامگەر ابدىۋاقاپ قارا.

ىقشام-اقپار

25 قاڭتار، 2013 جىل، ش.ايمانوۆ اتىنداعى "قازاقفيلم" كينوستۋدياسى،

"كينو الاڭى" ءماجىلىس زالى، ساعات 11.00

قاتىسۋشىلار: مۇرات اۋەزوۆ، ءاسانالى ءاشىموۆ، ءالميرا ناۋرىزباەۆا،

ءاليا بوپەجانوۆا، ديدار امانتاي.

ۇيىمداستىرۋشى: مۇحتار اۋەزوۆ قورى

2011-2012 جىلدارى پاريج، انكارا جانە ۇلان-باتور قالالارىندا قازاقتىڭ بەلگىلى جازۋشىسى، قارا ءسوزدىڭ شەبەرى، كينودراماتۋرگ ديدار امانتايدىڭ كەزىندە الماتىدا جارىق كورگەن "قارقارالى باسىندا" اتتى پروزا كىتابىنىڭ فرانتسۋز، تۇرىك جانە مونعول تىلدەرىنە اۋدارىلعان تارجىمە نۇسقالارى باسىلىپ شىقتى.

پاريجدە شىققان كىتاپقا "گۇلدەر مەن كىتاپتار" رومانى ەندى، العىسوزىن ءبىرتۋار اقىن، زاڭعار ويشىل ولجاس سۇلەيمەنوۆ جازدى. جالپى، بۇل كىتاپتىڭ پاريجدە جارىق كورۋىنە ولجاس سۇلەيمەنوۆ زور قامقورلىق جاسادى. قازاق تىلىنەن فرانتسۋزشاعا تارجىمەلەگەن - ايتقالي باقىتوۆ، ال رەداكتورلىق جۇمىستى اتقارعان - فرانتسيا ازاماتى. كەيىن بۇل اۋدارما كىتاپ جونىندە مادەنيەتتانۋشى البەر فيشلەر سىني ماقالا جازىپ، وي-پىكىرىن ءبىلدىردى.

كىتاپتىڭ تۇرىكشە نۇسقاسى "گۇلدەر مەن كىتاپتار" رومانى مەن "تولەۋتاي اقساقالدىڭ نەمەرەسى» اڭگىمەسىنەن قۇراستىرىلدى، اۋدارماشىسى - بەلگىلى شوقايتانۋشى، قالامگەر ابدىۋاقاپ قارا.

مونعولشا تارجىمەسىنە "گۇلدەر مەن كىتاپتار" رومانىمەن قاتار بىرنەشە اڭگىمەلەر توپتاستىرىلدى، تارجىمەلەگەندەر - جازگۇل جۇماباي مەن ءناپىل بازىلحان.

جالپى، مەملەكەتتىك "دارىن" سىيلىعىنىڭ لاۋرەاتى، "تارلان-ءۇمىت" سىيلىعىنىڭ ساحيبى ديدار امانتايدىڭ بۇل "قارقارالى باسىندا" اتتى كىتابى - بەس تومدىق شىعارمالار جيناعىنىڭ العاشقى تومى. اۆتور الداعى جىلدارى شىعارمالارىن ءبىر-ءبىر تومنان شىعارىپ تۇرۋدى وزىنە ماقسات تۇتىپ وتىر.

ءۇرىمشى قالاسىندا ورنالاسقان قحر شىنجاڭ ولكەلىك باسپاسى ديدار امانتايدىڭ "گۇلدەر مەن كىتاپتار" رومانى، "مەن ءسىزدى ساعىنىپ ءجۇرمىن" پوۆەسى جانە وتىز جەتى اڭگىمەسىن ءبىر كىتاپقا توپتاستىرىپ، باسپادان شىعارۋدى جوسپارلاپ تا قويدى.

بۇگىنگى كۇنى ەلگە بەلگىلى اۋدارماشى قايشا تابارىكقىزى ديدار شىعارمالارىن قىتاي تىلىنە اۋدارا باستادى. العاشقى ءۇش اڭگىمەسى قىتايدىڭ (天涯) («Tian Ya») «قيان» اتتى ادەبي جورنالىنا شىعىپ تا ۇلگەردى.

2010 جىلى سىزدەردىڭ نازارلارىڭىزعا ۇسىنىلعان "قارقارالى باسىندا" اتتى كىتاپتىڭ، سونىمەن قاتار، قازىرگى تاڭدا ورىس، يسپان، نەمىس، اراب، اعىلشىن، پارسى جانە كارىس تىلدەرىنە ءتارجىمالانىپ جاتقانىن ايتا كەتكەن ءجون.

پروزا، كينەماتوگراف جانە كوسەمسوز جانرىن قاتار ۇستانعان ديدار امانتايدىڭ بۇل ءۇش كىتابى، ءبىر تاراپتان، قالامگەردىڭ قازاق ادەبيەتىنىڭ مارتەبەسىن اسىرۋ، شەتەل وقىرماندارىنا تانىتۋ جولىنداعى جانە، سونىمەن قاتار، قازاق وقىرمان قاۋىمى الدىنداعى ەسەبى ءتارىزدى ەكەنى راس. الەم ادەبيەتىندەگى سوڭىرقالاپ كەلە جاتقان جاڭا اعىمدار، ىزدەنىستەر، باعىت-باعدار، جالپى، رومان-اڭگىمەلەردىڭ تاعدىر-تالايى، ءتۇرلى ۇلت پروزاسىنداعى قالىپتاسقان ماشىق، كەزەڭدىك جازۋ مانەرلەرى مەن سيۋجەتتىك جەلى، ءتاسىل جانە اتموسفەرا، ءبارى-ءبارى 25 قاڭتار كۇنگى ءباسپاسوز ءماسليحاتىنىڭ تاقىرىبى بولارى ءسوزسىز.

مۇحتار اۋەزوۆ قورى