ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنە قاراعاندا، بۇگىندە كوش جوسپارى 71 پايىزعا ورىندالعان.

"سۋىق تۇسۋىنە بايلانىستى وڭتۇستىكتەن كوشكىسى كەلەتىندەر ازايا تۇسەدى، سوعان بايلانىستى كۆوتانىڭ ورىندالماي قالۋ قاۋپى بار. قازىرگى ۋاقىتتا پاۆلودار وبلىسىندا 1 مىڭ، سولتۇستىك قازاقستان وبلىسىندا 500, قوستاناي وبلىسىنا 362 ادام كۆوتاسى ورىندالماي تۇر", - دەدى ەڭبەك ءمينيسترى تامارا دۇيسەنوۆا.

ەڭبەك مينيسترلىگى كوشكەن وتباسىلاردىڭ ەڭبەككە جارامدى مۇشەلەرى جۇمىسپەن جەتكىلىكتى قامتاماسىز ەتىلمەگەن دەپ سانايدى. ۆەدومستۆو مالىمەتىنە قاراعاندا، اقمولا، سولتۇستىك قازاقستان جانە پاۆلودار وبلىستارىندا كوشىپ كەلگەن ەڭبەككە جارامدى ادامدار 58,5 پايىزدان 67 پايىزعا دەيىن عانا جۇمىسپەن قامتىلعان. جۇمىسقا ورنالاسقان 54,4 پايىزى عانا زەينەتاقى قورىنا جارنا اۋدارادى.

مينيستر سوزىنشە، جاڭا ەرەجە بويىنشا، مۇنان كەيىن ازاماتتار جۇمىس ورىنى بار ايماقتارعا عانا كوشىرىلەدى. كوشىپ كەلۋشىلەردى قابىلدايتىن ايماقتاردىڭ اكىمدىكتەرىنە كوشتى ىنتالاندىراتىن جول كارتاسىن جاساۋ تاپسىرىلعان.

قازاقستاندا 2017 جىلدان بەرى وڭتۇستىكتەن سولتۇستىككە كوش باعدارلاماسى جۇمىس ىستەپ، مىڭداعان ادام قونىس اۋدارعان. الايدا جەرگىلىكتى باق-تاردىڭ جازۋىنشا، كوشىپ كەلۋشىلەر كەيىنگى جىلدارى ازايا باستاعان. وعان تۇرعىن ءۇي تاپشىلىعى، جەرگىلىكتى ينفراقۇرىلىمنىڭ دامىماعانى سەبەپ بولۋى مۇمكىن.

Abai.kz