«مۇقالماس» رەسپۋبليكالىق قوعامدىق بىرلەستىگى پرەزيدەنت سايلاۋىنا كانديدات ۇسىنبادى. اتىشۋلى نۇرجان التاەۆتى ۇمىتكەر رەتىندە تانىعان حاتتاما – جارامسىز. بۇل تۋرالى Atameken business تەلەگرام ارناسى جاريالادى.

قوعامدىق بىرلەستىكتىڭ وكىلدەرى وسىنداي مالىمدەمە جاساپ وتىر. ايتۋلارىنشا، ۇيىمنىڭ جيىنىنا قاتىسقان 15 ايماقتىق فيليال جەتەكشىسىنىڭ 13-ءى ەكس-دەپۋتات نۇرجان التاەۆتىڭ كانديداتۋراسىنا قارسى داۋىس بەرگەن. جالپى بىرلەستىك اتىنان سايلاۋعا ۇمىتكەر ۇسىنباۋ دەگەن باستامانى كوبى قولداعان كورىنەدى.

ويتكەنى، «مۇقالماس» سايلاۋ بارىسىن تاۋەلسىز بايقاۋشى بولعاندىقتان بەيتاراپ قالۋدى ءجون دەپ تاپقان. الايدا، «كانديدات رەتىندە التاەۆ ۇسىنىلدى» دەگەن اقپاراتتى ەستىپ، قوعامدىق بىرلەستىكتىڭ قاراعاندى وبلىستىق فيليالىنىڭ جەتەكشىسى مايرا تولەۋبەكقىزى بىردەن سوتقا شاعىمدانعان.

Abai.kz