سەنبى، 15 قازاندا استانادا قازاقستان پرەزيدەنتى قاسىم-جومارت توقاەۆ تۇركىمەنستان پرەزيدەنتى سەردار بەردىمۇحامەدوۆپەن كەلىسسوزدەن كەيىنگى ءباسپاسوز كونفەرەنتسياسىندا كورشى ەكى ەل گاز سالاسىنداعى ارىپتەستىك بولاشاعىن تالقىلادى دەپ مالىمدەدى.
قازاقستان مەن تۇركىمەنستان كومپانيالارى قابىلداعان كەلىسىم-شارتقا توقتالعان توقاەۆ تۇركىمەن ارىپتەسىنە وسى جوبانىڭ جۇزەگە اسۋىنا قولداۋ كورسەتكەنى ءۇشىن العىس ايتتى.
ء"بىز مەرزىمى ۇزاق كەلىسىمگە وتىرىپ، گاز يمپورتىنىڭ ءبىر جىلداعى كولەمىن 1,5 ملرد تەكشە مەترگە جەتكىزۋگە دايىنبىز", - دەدى قاسىم-جومارت توقاەۆ.
مەملەكەت باسشىسىنىڭ مالىمدەۋىنشە، قازاقستان تۇركىمەنستاننىڭ ەنەرگەتيكا سالاسىنداعى ءىرى باستامالارىن جۇزەگە اسىرعىسى، سونىمەن بىرگە مۇناي-گاز وڭدەۋ مەن مۇناي-گاز حيمياسى سالالارىندا ءوزارا ءتيىمدى جوبالاردى دامىتقىسى، تاجىريبە الماسقىسى كەلەدى.
Abai.kz
