Samsung تاشكەنتتىڭ ارتەل زاۆودىنداعى وندىرىستىك قۋاتتىن ارتتىرماق. دەمەك، LG ءۇشىن ارتەلدەگى لينيالار جەتكىلىكسىز بولاتىنى انىق. وندا LG Electronics - الماتى تۇبىندەگى ءوز ءوندىرىسىن قايتا جاڭعىرتۋى مۇمكىن.

LG Electronics رەسەيدەن كەتتى. ماسكەۋ تۇبىندەگى ءوز پورتفەلىندەگى ەڭ ءىرى زاۋىتىن جابۋعا ءماجبۇر بولىپ وتىر. ماسكەۋدەگى زاۋىت OLED تەلەديدار، ءۇي كينوتەاترلارى، مونيتورلار، توڭازىتقىشتار، كىر جۋعىش ماشينالار مەن باسقا دا كەرەك-جاراقتاردى شىعارىپ كەلدى. جانە 1500 ادامدى جۇمىسپەن قامتاماسىز ەتتى.

قازاقستان LG ءۇشىن نارىق رەتىندە قولايلى، سەبەبى كرەديتتىك، ءبولىپ تولەۋ ونىمدەرى جاقسى دامىعاندىقتان ازاماتتاردىڭ تولەمقابىلەتتىلىگى جوعارى دەڭگەيدە. ءارى ەسىمىزدە بولسا، LG بىزدە ءوندىرىس اشىپ، زاۋىت سالعان ەدى. 1998 جىلى LG بىزدە العاش رەت تەلەديدار قۇراستىرىپ، وعان پرەزيدەنت نازارباەۆ ماركەرمەن قولتاڭبا قالدىرعان بولاتىن. بىزدەگى زاۋىت تەلەديدار مەن كىر جۋعىش ماشينەلەر قۇراستىرىپ ءجۇردى. 3 جىل بۇرىن وسى زاۋىت جۇمىسىن توقتاتتى.

LG ءوندىرىسىنىڭ قايتا جاندانۋى ءبىزدىڭ ەكونوميكامىزعا سالىق جانە جۇمىس ورنى بويىنشا جاقسى سەرپىن بەرە الادى. جانە ول الماتى ءوڭىرىنىڭ ايماقتىق ىشكى ءونىمىن جاقسارتاتىنى انىق.

پارلامەنت ماقۇلداعان رەسپۋبليكالىق بيۋدجەت جوباسىنا ساي بىزدە 3 ءوڭىر دونور بولىپ بەكىتىلدى. ولار الماتى، استانا جانە اتىراۋ وبلىسى. وسى ءۇش ءوڭىر 2023 جىلى بيۋدجەتكە 426 ميلليارد تەڭگە تاۋىپ بەرۋى ءتيىس.

ايبار ولجاەۆ

Abai.kz