اسكەري بورىشىن وتەگەندەر جوو-دا تەگىن وقۋعا مۇمكىندىك الدى. بۇل تۋرالى قورعانىس ءمينيسترىنىڭ ورىنباسارى دارحان احمەديەۆ مالىمدەدى.

"بۇگىن قورعانىس ءمينيسترى 44 جوعارى وقۋ ورنىمەن اسكەري بورىشىن وتەگەندەرگە 3000 گرانت بەرۋ تۋرالى مەموراندۋمعا قول قويدى. ياعني، ءبىر جىل اسكەردە قىزمەت وتكەرگەندەر وسى جوعارى وقۋ ورىندارىنا ۇلتتىق بىرىڭعاي تەستىلەۋسىز تۇسە الادى", - دەپ اتاپ ءوتتى احمەديەۆ.

سونىمەن قاتار اسكەردە جاقسى ناتيجە كورسەتكەندەر جوو ەسەبىنەن تەگىن جوعارى ءبىلىم الۋ مۇمكىندىگىنە يە بولادى.

بۇدان بولەك، قورعانىس مينيسترلىگى اسكەردەن كەيىن ساربازداردى جۇمىسقا ورنالاستىرۋ ءۇشىن كاسىپورىندارمەن كەلىسىم جاساۋدى جوسپارلاپ وتىر.

Abai.kz