تمد ەلدەرى جەمقورلىق جاسادى دەگەن كۇدىككە ىلىنگەن قاشقىنداردى ءبىر-بىرىنە ۇستاپ بەرۋگە كەلىستى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.

2022 جىلدىڭ 14 قازانىندا استانادا تمد مەملەكەتتەرى باسشىلارى كەڭەسىنىڭ وتىرىسىندا تاۋەلسىز مەملەكەتتەر دوستاستىعىنا قاتىسۋشى ەلدەردىڭ سىبايلاس جەمقورلىققا قارسى ىنتىماقتاستىعى تۋرالى كەلىسىمگە قول قويىلدى.

بۇل قۇجات 2008 جىلى ازىرلەنگەن بولاتىن. الايدا 2022 جىلى عانا تاراپتار قول قويۋعا كەلىستى.

كەلىسىم سىبايلاس جەمقورلىق تۋرالى قىلمىستىق ىستەر بويىنشا جاردەم كورسەتۋگە نەگىزدەلگەن.

سونىمەن قاتار سىبايلاس جەمقورلىققا قارسى كۇرەستى كۇشەيتۋگە جانە كەلىسىلگەن ىزدەستىرۋ ءىس-شارالارىن جانە باسقا دا شارالاردى جۇرگىزۋگە مۇمكىندىك بەرەدى.

Abai.kz