جۋىردا قوعامدا راميل مۋحورياپوۆتىڭ قازاق تىلىنە قاتىستى ءسوزى تالقىعا تۇسكەنى بەلگىلى. وسىعان قاتىستى جۋرناليست ايبار ولجاەۆ الماتى پروكۋراتۋراسىنا كاسىپكەردىڭ سوزىندە قىلمىستىق كودەكستىڭ 174-بابىندا قاراستىرىلعان «الەۋمەتتىك الاۋىزدىقتى قوزدىرۋ بەلگىلەرى بار ما؟» دەگەن ساۋال جولداعان بولاتىن. 

بۇل سۇراققا باس پروكۋروردىڭ ورىنباسارى اسەت شىنداليەۆ جاۋاپ بەردى.

«مەنىڭ حابارىم بويىنشا، قازىرگى تاڭدا الماتىنىڭ ىشكى ىستەر دەپارتامەنتى تەكسەرۋ جۇرگىزىپ جاتىر. سول تەكسەرۋ اياسىندا ارنايى سوت ساراپتاماسى تاعايىندالدى. سول سوت ساراپتاماسىنىڭ قورىتىندىسى بويىنشا شەشىم تاعايىندالادى. سوت ساراپتاماسىنان كەيىن عانا ونىڭ ارەكەتتەرىنە باعا بەرە الامىز»، - دەدى ول سەنات وتىرىسىنان كەيىن كۋلۋاردا.

Abai.kz