ەلوردادا تاۋەلسىز مەملەكەتتەر دوستاستىعىنا مۇشە مەملەكەتتەر ۇكىمەت باسشىلارىنىڭ كەزەكتى كەڭەسى شاعىن قۇرامدا باستالدى.

قر پرەمەر-ءمينيسترى ءاليحان سمايىلوۆتىڭ توراعالىعىمەن ءوتىپ جاتقان ءىس-شاراعا ازەربايجان ۇكىمەتىنىڭ باسشىسى الي اسادوۆ، بەلارۋس پرەمەر-ءمينيسترى رومان گولوۆچەنكو، تاجىكستان ۇكىمەتىنىڭ باسشىسى كوحير راسۋلزودا، وزبەكستان پرەمەر-ءمينيسترى ابدۋللا اريپوۆ، رەسەي ۇكىمەتىنىڭ توراعاسى ميحايل ميشۋستين، قىرعىزستان مينيسترلەر كابينەتىنىڭ توراعاسى – پرەزيدەنت اكىمشىلىگىنىڭ باسشىسى اقىلبەك جاپاروۆ، ارمەنيا پرەمەر-ءمينيسترىنىڭ ورىنباسارى مگەر گريگوريان جانە تۇرىكمەنستان مينيسترلەر كابينەتى باسشىسىنىڭ ورىنباسارى حودجامىرات گەلديمىرادوۆ قاتىسۋدا.

كەڭەس بارىسىندا ۇكىمەت باسشىلارى تاۋەلسىز مەملەكەتتەر دوستاستىعىنداعى ەكونوميكالىق ءوزارا ءىس-قيمىلدىڭ وزەكتى ماسەلەلەرى بويىنشا پىكىر الماسىپ، تمد ۇكىمەت باسشىلارى كەڭەسىنىڭ كەزەكتى وتىرىسىن، 2023 جىلى بەلارۋس رەسپۋبليكاسىندا تمد ەلدەرىنىڭ II ويىندارىن وتكىزۋ جايىن جانە وزگە دە وزەكتى ماسەلەلەردى تالقىعا سالادى.

Abai.kz