مەملەكەتتىك كىرىس جءانە جەكەشەلەندىرۋ كوميتەتى ەكس-پرەزيدەنت نۇرسۇلتان نازارباەۆتىڭ نەمەرە ءىنىسى قايرات ساتىبالدى اكتيۆتەرى مەملەكەتكە قايتارىلعانىن مءالىمدەدى. 

LS باسىلىمىنىڭ جازۋىنشا، "قازاقتەلەكومنىڭ" 3 084 893 ءجاي اكتسياسى (Skyline Investment Company S.ءA'دىڭ 2 671 481 ءجاي اكتسياسى، "الاتاۋ كاپيتال ينۆەستتىڭ" 413 412 ءجاي اكتسياسى) رەسپۋبليكا مەنشىگىنە قابىلدانعان.

ۆەدومستۆونىڭ حابارلاۋىنشا، اتالعان قۇندى قاعازدارعا باعالاۋ جۇرگىزىلگەننەن كەيىن ۇكىمەت قاۋلىسى بويىنشا "سامۇرىق قازىنا" قورىنىڭ ورنالاستىرىلعان اكتسياسىن تولەۋگە جۇمسالادى.

قايرات ساتىبالدى – ەكس-پرەزيدەنت نۇرسۇلتان نازارباەۆتىڭ نەمەرە ءىنىسى. بيىل قىركۇيەكتە سوت ونى التى جىلعا باس بوستاندىعىنان ايىرىپ، مۇلىكتەرىن تاركىلەۋدى ۇكىم ەتكەن، مەملەكەتتىك قىزمەتتە كەمىندە ون جىل ىستەۋگە تىيىم سالعان.

ناۋرىز ايىندا ۇستالعان قايرات ساتىبالدىعا "الداۋ نەمەسە سەنىمگە كىرۋ ارقىلى مۇلىكتىك زيان كەلتىرۋ" جانە "سەنىپ تاپسىرىلعان مۇلىكتى يەمدەنۋ نەمەسە ۇرلاۋ" باپتارى بويىنشا ايىپ تاعىلدى.

سىبايلاس جەمقورلىقپەن كۇرەس ءىس-قيمىل اگەنتتىگى سوت باستالماي تۇرىپ تامىز ايىندا "ايىپتالۋشىلار يەمدەنگەن قۇنى 500 ملن دوللار بولاتىن زاڭسىز اكتيۆتەر تەرگەۋ بارىسىندا مەملەكەتكە قايتارىلدى" دەپ مالىمدەگەن. بۇعان قوسا، ساتىبالدى ۇستىنەن "سالىقتان جالتارۋ", "قىلمىستىق جولمەن الىنعان كىرىستى زاڭداستىرۋ" باپتارى بويىنشا دا ءىس تەرگەلىپ جاتقانى حابارلانعان.

نازارباەۆتىڭ نەمەرە ءىنىسى Forbes Kazakhstan ءتىزىمى بويىنشا ەلدەگى ەڭ ىقپالدى كاسىپكەرلەر قاتارىنا كىرگەن.

2021 جىلى ازاتتىق زەرتتەۋىندە ليۋكسەمبۋرگتىڭ LRB رەەسترىنىڭ مالىمەتى بويىنشا، قايرات ساتىبالدى Skyline Investment Company S.A وفشور فيرماسىنىڭ جالعىز يەسى ەكەنى ايتىلعان. اشىق دەرەككوزدەر قايرات ساتىبالدى 2016 جىلى Alatau Capital Invest كومپانياسى ارقىلى "قازاقتەلەكومنىڭ" اكتسياسىن ساتىپ العانىن كورسەتكەن.

Abai.kz