بۇگىن № 2 سارىارقا اۋداندىق سوتى ەكس-مينيستر ەلجان ءبىرتانوۆ پەن بۇرىنعى ۆيتسە-مينيستر ولجاس ابىشەۆتىڭ ءىسى بويىنشا ۇكىم شىعاردى.

ەلجان ءبىرتانوۆ اۋە ساناۆياتسياسىن جەكە ماقساتتا پايدالانۋ ءىسى بويىنشا اقتالدى. بىراق بيلىكتى اسىرا پايدالانعانى ءۇشىن كىنالى دەپ تانىلدى.

«ءبىرتانوۆ ەلجان مەن ابىشەۆ ولجاس قازاقستان رەسپۋبليكاسى قىلمىستىق كودەكسىنىڭ 361-بابىنىڭ 4-بولىگىنىڭ 3-تارماعىندا كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وسى باپ بويىنشا بىرتانوۆقا بەس جىل مەرزىمگە باس بوستاندىعىن شەكتەۋ تۇرىندەگى جازا تاعايىندالدى»،—دەدى سۋديا يبراگيم الكەنوۆ.

ال، بۇرىنعى ۆيتسە-مينيستر ولجاس ابىشەۆكە 4 جىلعا باس بوستاندىعىن شەكتەۋ جازاسى تاعايىندالدى.

سونىمەن قاتار، سۋديا ءبىرتانوۆ پەن ابىشەۆتەن 1,1 ملرد تەڭگە، سونداي-اق مەملەكەت كىرىسىنە 20 ملن تەڭگەدەن مەملەكەتتىك باجدى ءوندىرىپ الۋدى ۇيعاردى. سونىمەن قاتار، سوت ولاردى مەملەكەتتىك قىزمەتتە ءومىر بويى قىزمەت ەتۋ قۇقىعىنان ايىردى.

Abai.kz