ءبازيستى پۋنكت، بازالىق ستاۆكا مەن ينفلياتسيا ماسەلەلەرى جونىندە ايتسام.

بۇگىن ۇلتتىق بانك بازالىق ستاۆكانى 16%-عا دەيىن كوتەردى. كاسىبي تەرمينگە سالساق، ستاۆكا 150 ءبازيستى پۋنكتكە كوتەرىلىپ وتىر. وسى ورايدا، ءبازيستى پۋنكت - كوپ ارىپتەستەرگە ءالى تانىس ەمەس ۇعىم.

1 ءبازيستى پۋنكت - 0,01 پايىزعا تەڭ. سايكەسىنشە، 150 بپ. - 1,5% بولادى. ياعني، بازالىق ستاۆكا بۇعان دەيىنگى 14,5 پايىزدان 16 پايىزعا كوتەرىلدى. اراسىنداعى ايىرماشىلىق - 150 ءبازيستى پۋنكت.

بازالىق ستاۆكا ينفلياتسيانى اۋىزدىقتاۋ ماقساتىندا نارىقتان باسى ارتىق وتىمدىلىكتى (اقشانى) الىپ تاستاۋ ءۇشىن كوتەرىلدى.

"2022 جىلعى قىركۇيەكتە جىلدىق ينفلياتسيا بولجانعان كورسەتكىشتەن ايتارلىقتاي اۋىتقىپ، 17,7% قۇرادى. ينفلياتسيانىڭ بارلىق قۇرامداس بولىكتەرى بويىنشا باعانىڭ ورنىقتى ءوسۋى بايقالادى. تۇتىنۋ باعالارىنىڭ ماۋسىمدىق سيپاتتى ەسەپتەمەگەندەگى شىلدە ايىندا ءوسۋى باياۋلاعاننان كەيىن ول سوڭعى ايلاردا ايتارلىقتاي جەدەلدەدى. قىركۇيەكتە جىلدىق كورسەتكىش 26,8% (2022 جىلعى شىلدەدە – 17,7%) بولدى. بازالىق ينفلياتسيا جىلدىق ماندە 19,7%-عا جەتىپ، جوعارى دەڭگەيدە قالىپتاسۋدا. بۇل ەكونوميكادا ۇزاققا سوزىلعان جوعارى ينفلياتسيالىق ايانى قالىپتاستىرۋ تاۋەكەلىن كورسەتەدى", - دەپ جازادى، ۇلتتىق بانك.

قاراپايىم تۇسىندىرسەك، قىركۇيەك ايىندا ينفلياتسيا 26,8 پايىزعا بىردەن سەكىرگەن. ال جىل اياعىندا (قاراشا-جەلتوقسان) تاعى دا وسەتىن ءتۇرى بار. بازالىق ستاۆكانىڭ وسى قازانداعى ءوسۋى ينفلياتسيانى توقتاتپاسا، 5-ءشى جەلتوقستاندا ستاۆكا تاعى دا وزگەرۋى مۇمكىن.

ايبار ولجاەۆ

Abai.kz