مەملەكەت باسشىسىنىڭ جارلىعىمەن قىزمەتىنەن بوساتىلعان پاۆلودار وبلىسىنىڭ ەكس-اكىمى ابىلقايىر سقاقوۆ Facebook-تەگى پاراقشاسىندا ءوڭىر تۇرعىندارىنان كەشىرىم سۇرادى.

- قۇرمەتتى جەرلەستەر! مەن ءۇشىن سىزدەرگە قىزمەت ەتۋ اسا زور قۇرمەت بولدى. ماسەلەلەردى شەشۋدى باستى باسىمدىق ەتە وتىرىپ، مەن ارقاشان دا بارلىعىن شىنايى جانە ادال ورىندادىم. جىلدار بويى جينالعان ماسەلەلەردىڭ ءبىراز بولىگى شەشىلدى، قالعانىن شەشۋگە ۋاقىت كوبىرەك قاجەت بولدى. ەكىباستۇزداعى توتەنشە جاعداي – ءدال سول ۇزاق ۋاقىت بويى جينالىپ كەلگەن جانە تەز شەشىلمەيتىن پروبلەما. دەگەنمەن، قادىرلى ەكىباستۇز تۇرعىندارى، مەن قالىپتاسقان جاعداي ءۇشىن ءوز جاۋاپكەرشىلىگىمنىڭ دە بار ەكەنىن بىلەمىن جانە سىزدەردەن شىن جۇرەكتەن كەشىرىم سۇرايمىن! - دەپ اعىنان جارىلدى ول.

ايتۋىنشا، ول توتەنشە جاعداي كەزىندە قالا تۇرعىندارىنىڭ جاعدايىن قاتتى ۋايىمداعان. سوندىقتان ماماندار مەن ارىپتەستەرىنە ماسەلەنىڭ جەدەل شەشىلۋىن تىلەپ وتىر.

ايتا كەتسەك، كەشە پرەزيدەنت ابىلقايىر سقاقوۆتى پاۆلودار وبلىسىنىڭ اكىمى قىزمەتىنەن بوساتقان ەدى. جارلىق بويىنشا ونىڭ ورنىنا وسى ۋاقىتقا دەيىن ءبىرىنشى ورىنباسارى قىزمەتىن اتقارعان ولەگ كرۋك اكىمنىڭ مىندەتىن اتقارۋشى بولىپ تاعايىندالدى.

Abai.kz