ارينە كرۋك مىرزا قازاقشا بىلمەيدى ەكەن. ولاي توپشىلايتىنىمىز ەكى كۇندە ءبىر قازاقشا سۇراققا جاۋاپ بەرمەدى...

سول ءۇشىن اڭگىمەمىز تەك ايان ۋاحيتۇلىمەن "جاراستى"...

مەنىڭ ويىمشا كەز كەلگەن اكىم حالىق جاعىندا بولۋى كەرەك. ەكى كۇن بريفينگكە قاتىستىم...

ءبىرىنشى كۇنى ايان مىرزا "ۇيقىم كەلىپ وتىر" دەدى. ارينە، شارشاپ جۇرسە ورنىن بوساتىپ كەتۋىنە تولىق حاقى بار ەكەنىن مەنسىز دە بىلەتىن شىعار دەپ، ۇندەمەدىك...

ء"شاي ءىشىپ" وتىرىپ كەيىن ءبارىن ايتىپ بەرەتىنىن دە ايتتى...

مەن ناقتى كلەبانوۆ نەگە كەلمەيتىنىن سۇرادىم. حالىق بولىپ شاقىرىڭىزدار دەدى... قۋانىپ قالدىق. قۋانىشىمىز ۇزاققا بارمادى... بۇگىن ءبارى زاڭ اياسىندا بولۋى كەرەك دەيدى... بۇكىل زاڭى شەنەۋنىك پەن وليگارحتاردى قورعايتىن ەلدە تۇراتىنىمىزدى ول كىسىلەر بىلمەسە كەرەك...

ەكى كۇنگى بريفينگتا قازاقشا سويلەمەك تۇگىل، قازاقشا تۇسىنبەيتىن كرۋك مىرزادا سول جەردە وتىردى. ءجاي وتىرماي زاڭ بۇزىپ وتىردى عوي مىسالى... سوندا ايان ۋاحيتۇلى مەنەن قالاي زاڭ تۋرالى تالاپ ەتەدى؟! مەملەكەتىمىزدە مەملەكەتتىك ءتىلدى بىلمەيتىن ادام قاشاننان بەرى اكىم بولاتىن بولعان؟! وسىدان كەيىن مەنىڭ بۇكىل زاڭى تەك حالىق پەن كەدەيلەرگە ارنالعانى تۋرالى سۇراقتى قويۋعا حاقىم بار شىعار؟!

اڭگىمەنىڭ توركىنى كلەبانوۆتى شاقىرۋ تۋرالى. ءبىز اكىمدەردەن سۇرادىق. ولار شاقىرا المايتىنىن ايتتى. ەندى ءبىز حالىق بولىپ شاقىرايىق، تالاپ ەتەيىك دەيمىز... ءبارى زاڭ اياسىندا بولسىن دەيدى. ءبىز ماسەلە زاڭنان قاشىپ تۇرعان جوقپىز. ماسەلە زاڭنىڭ كۇشى وليگارحتار مەن شەنەۋنىكتەرگە اسەر ەتپەيتىنىندە عوي...

مىنا جەردە لوگيكانىڭ جوقتىعىن ايتا كەتەيىن. سوندا مەن زاڭ اياسىندا كلەبانوۆتى شاقىرۋىم كەرەك. مەن زاڭ اياسىندا كلەبانوۆتى شاقىرىپ، ونىڭ حالىققا مورالدىق جانە قارجىلىق شىعىن وتەۋىن تالاپ ەتپەسەم زاڭ ونى جاۋاپقا تارتپايما سوندا؟!

مەنىڭ وسى ەلدىڭ ازاماتى رەتىندەگى حاقىم قايدا قالدى؟ ەكىباستۇز حالقىنىڭ حاقى مەن قۇقى شە؟

ەل جاپپاي كلەبانوۆتى سۇراپ جاتىر. مەنىڭ تۇسىنگەنىم كلەبانوۆتاردى جاۋاپقا تارتۋ مۇمكىن ەمەس بولىپ وتىر. ميتينگقا شىقساق رەنجىمەڭدەر دەيدى... اكىم بايقاپ جۇرىڭدەر دەدى... وسىندا ءجۇرىپ كوزىم جەتكەنى ەكىباستۇز بەن وبلىس اكىمى ورنىنا وليگارحتاردى قورعايتىن ازامات ەمەس حالىقشىل، ءپرينتسيپشىل ازاماتتار كەلمەي تەتس-ءتىڭ پروبلەماسى شەشىلمەيدى...

ال تەتس-ءتىڭ جاعدايى وتە مۇشكىل... وكىنىشكە قاراي اكىمدەر حالىق جاعىندا ەمەس سياقتى...

سەرىك قاسەنوۆ 

Abai.kz