1991 جىلدان باستاپ اۋىلداردان بوسقان باسپاناسىز، جۇمىسسىز قازاق جاستارى، ولاردىڭ وتباسىلارى الماتىعا قاراي اعىلدى. بوس جاتقان جەرلەردى باسىپ الۋ دا سول جىلدارى باستالدى. سول كەزدە الماتىنىڭ اكىمى زامانبەك نۇرقابىلوۆ اعامىز بوس جاتقان جەرلەردى باسىپ العانداردىڭ ءتىزىمىن جاساتتى جانە جەر باسىپ العان قازاق جاستارىنان ەشقانداي «تىركەۋ» تالاپ ەتپەي، ولارعا 10 سوتتىقتان جەر تەلىمىن بەرۋ تۋرالى شەشىم قابىلدادى.
سول جىلدارى ءبىز الماتى ماڭىنداعى «شاڭىراق-1, 2, 3, 4»، «التىن بەسىك»، «دۋمان»، «تاۋگۇل» سىندى ىقشام اۋداندارىنىڭ اشىلۋىنا ىقپال جاسادىق. مەنىڭ ەسىمدە قالعانى – زاكەڭنىڭ ارقاسىندا شامامەن 20 مىڭ وتباسىنا جەر تەلىمدەرىن تەگىن ۇلەستىرىپ، زاڭداستىرىپ بەرىلدى. سول جىلدارى جەر سۇراعان ءبىر دە ءبىر قازاق جاسى جەرسىز قالعان جوق. وسى ارادا ءبىر باسا ايتاتىن ماسەلە – زامانبەك نۇرقادىلوۆ ول جەر تەلىمدەرىن تەگىن ۇلەستىردى.

ونى ايتاسىز، الماتى قالاسىنىڭ ورتالىعىنان بوساپ قالعان پاتەرلەردى تەك باسپاناسىز قازاق وتباسىلارىنا ۇلەستىرۋگە تىرىستى. وعان ءبىر دالەل – گاگارين مەن جاندوسوۆ كوشەلەرىنىڭ قيلىسىنداعى جەر سىلكىنۋ سىناعىن وتكىزەتىن 5 قاباتتى تۇرعىن ءۇيدى تۇتاستاي باسپاناسىز قازاق وتباسىلارىنا بەرگەنىنىڭ ءوزى كوزسىز ەرلىكپەن پارا-پار ەدى!

جۇماش كەنەباي

Abai.kz