سەيسەنبى, 8 قازان 2024
2290 17 پىكىر 5 جەلتوقسان, 2022 ساعات 14:39

استاناداعى مەشىت ءابساتتار قاجىنىڭ ەسىمىمەن اتالادى

ەلورداداعى جاڭا مەشىت ءابساتتار قاجى دەربىسالىنىڭ ەسىمىمەن اتالادى. بۇل تۋرالى الەۋمەتتىك جەلىدەگى پراقشاسىندا قازاقستان مۇسىلماندارى ءدىني باسقارماسىنىڭ ءباسپاسوز حاتشىسى اعابەك قوناربايۇلى مالىمدەدى.

بۇل تۋرالى الماتى قالاسىنداعى ءال-فارابي اتىنداعى قازاق ۇلتتىق ۋنيۆەرسيتەتىندە كورنەكتى عالىم، اكادەميك، ديپلومات ءابساتتار قاجى دەربىسالىنىڭ 75 جىلدىعى مەن مەملەكەتتىك، قوعامدىق جانە ءدىني قىزمەتىنىڭ 50 جىلدىعىنا ارنالعان «شىعىستانۋ جانە رۋحانيات ماسەلەلەرى» تاقىرىبىندا ءوتىپ جاتقان حالىقارالىق عىلىمي-تەوريالىق كونفەرەنتسياسىندا باس ءمۇفتي ناۋرىزباي قاجى تاعانۇلى حابارلادى.

«وسى رەتتە قازاقستان مۇسىلماندارى ءدىني باسقارماسى ءابساتتار قاجى دەربىسالى حازىرەتتىڭ ەسىمىن رەسپۋبليكامىزداعى جاڭا مەشىتتىڭ بىرىنە بەرۋ جونىندە تورالقا ماجىلىسىندە ارنايى قاۋلى قابىلدايتىنىن جەتكىزەمىن. بۇل ۇستازىمىزدىڭ ەسىمىن ارداقتاۋ جولىنداعى يگى قادامنىڭ ءبىرى بولماق», - دەپ اتاپ ءوتتى ناۋرىزباي قاجى تاعانۇلى.

ايتا كەتەيىك، بۇعان دەيىن استانادا ورتالىق ازياداعى ەڭ ۇلكەن مەشىت اشىلعان بولاتىن.

Abai.kz

17 پىكىر