ساۋدا جانە ينتەگراتسيا ءمينيسترى سەرىك جۇمانعارين كۇرىش باعاسىنا پىكىر ءبىلدىردى.

«اۋىل شارۋاشىلىعى مينيسترلىگى مالىمدەگەن كۇرىش باعاسى شىندىقتان شالعايدا جاتىر. 1 كەلى كۇرىشتى 250 تەڭگەگە قايدان الۋعا بولادى؟»، - دەپ سۇرادى ۇكىمەت وتىرىسىنان كەيىن باق وكىلدەرى سەرىك جۇمانعاريننەن.

«ايتالىق، دۇكەندەردە كەلىسى 250 تەڭگەدەن كۇرىش بار. وزدەرىڭىز ءۇشىن ەكسپەريمەنت جاساپ، ءىرى سۋپەرماركەتتەردەن بىردەي ازىق-تۇلىك جيىنتىعىن ساتىپ الار بولساڭىزدار، وندا قۇنىنا قاتىستى ايىرماشىلىق بىردەن بايقايسىزدار. ءتىپتى «ا» ساناتىنداعى جەلىلىك دۇكەندەردىڭ وزىندە بىلىنەدى. ال ەگەر ءۇيدىڭ جانىنداعى دۇكەننەن ساۋدا جاساساڭىز، وندا ارينە سىزگە ءتيىمسىز بولادى. ادام ورتاشا ەسەپپەن اپتاسىنا 4 رەت ساۋدا جاسايدى. ەكى رەت ازىق-تۇلىكتى مولىنان جانە 2 رەت ءۇيدىڭ جانىنداعى دۇكەننەن الادى»، - دەدى ساۋدا مينيستر.

ونىڭ ايتۋىنشا، 2019-2020 جىلدارى ەلىمىزدى 550 مىڭ توننا، ال 2017 جىلى 490 مىڭ توننا كۇرىش وندىرىلگەن.

«بيىلعا 507 مىڭ توننا كۇرىش جوسپارلانعان. وتە از كولەمدە يمپورتتاپ وتىرمىز. وسى جىلدىڭ 10 ايىندا 76 توننا كۇرىش ەكسپورتتادىق. بۇگىندە شامامەن 250 مىڭ توننا قور بار. كۇرىشكە قاتىستى ەشقانداي قاتەر جوق. دەگەنمەن، قالاي دەگەندە دە جەلتوقسان ايىندا مونيتورينگ جاساۋعا شەشىم قابىلدادىق»، - دەدى سەرىك جۇمانعارين.

ايتا كەتەيىك، بۇگىن ۇكىمەت وتىرىسىندا قر پرەمەر-ءمينيسترى ءاليحان سمايىلوۆ كەيبىر اقپارات قۇرالدارىنداعى كۇرىشكە قاتىستى مالىمەتتەرگە الاڭداۋشىلىق تانىتقان ەدى.

Abai.kz