زاڭگەرلىك ۇيىمدار بىرلەستىگىنەن قۇرىلعان "قىرعىزستاننىڭ جاسىل اليانسى" ۇيىمىنىڭ وكىلدەرى ەنەرگەتيكا مينيسترلىگى مەن جاراتىلىس رەسۋرستارى، ەكولوگيا جانە تەحنيكالىق باقىلاۋ مينيسترلىگىنە اشىق حات جولداپ، ەل اۋماعىندا اتوم ەلەكتر ستانتسياسىن سالۋعا (اەس) قارسى ەكەنىن جەتكىزدى. 

تاياۋدا قىرعىزستاننىڭ ەنەرگەتيكا مينيسترلىگى رەسەيدىڭ "رۋساتوم ەنەرجي پروجەكت" اكتسيونەرلىك قوعامىمەن ("روساتوم") اەس قۇرىلىسىن سالۋ بويىنشا قول قويعانىن مالىمدەگەن.

"جاسىل اليانس" اتاپ وتكەندەي، 2019 جىلى "قىرعىز رەسپۋبليكاسىندا ۋران جانە توري كەندەرىن گەولوگيالىق زەرتتەۋگە، بارلاۋعا جانە جۇمىس ىستەتۋگە تىيىم سالۋ جونىندە ۇكىمەت قاۋلىسى قابىلدانعان.

"وسىعان بايلانىستى اەس ءۇشىن راديواكتيۆتى شيكىزات قايدان الىنادى دەگەن سۇراق تۋىندايدى. قاۋلىدا قىرعىزستان اۋماعىنا قۇرامىندا ۋران جانە توري بار شيكىزاتتى الىپ كەلۋگە تىيىم سالىنعانى جازىلعان. دەمەك، اەس قۇرىلىسى زاڭدىق نەگىزگە يە ەمەس", - دەيدى "جاسىل اليانس" وكىلدەرى.

ولار اەس قۇرىلىسى قىرعىزستاندا سالۋ سەيسميكالىق جاقتان قاۋىپتى ەكەنىن ايتادى.

Abai.kz