توقاەۆ 12 جەلتوقسانداعى ۇكىمەت وتىرىسىندا سويلەگەن سوزىندە وتەماقى جەو يەسى مەن مەملەكەتكە ءبولىنۋى ءتيىس ەكەنىن ايتتى. ول ۇكىمەت پەن وبلىس اكىمدەرىنە ەلدەگى ماڭىزدى ينفراسترۋكتۋرا نىساندارىنا ساراپتاما جۇرگىزۋدى تاپسىردى.

بۇعان قوسا، توقاەۆ ەلدەگى جىلۋ ەلەكتر ورتالىقتارىنىڭ يەلىگىن مەملەكەت پەن يەسى اراسىندا ەلۋ دە ەلۋ ءبولىپ، جەو يەلەرىنىڭ ەسەبىنەن كۇردەلى جوندەۋ كەرەگىن ايتتى.

27 قاراشاعا قاراعان ءتۇنى 150 مىڭ تۇرعىنى بار ەكىباستۇزدا جىلۋ ەلەكتر ورتالىعىندا اقاۋ شىعىپ، قالا 30 گرادۋس ايازدا بىرنەشە كۇن جىلۋسىز قالعان ەدى.

بيلىك ەكىباستۇزدا توتەنشە جاعداي جاريالاعان. پاۆلودار وبلىسى اكىمى ابىلقايىر سقاقوۆ قىزمەتىنەن الىنعان. وبلىس پروكۋراتۋراسى جەو-داعى اپاتقا بايلانىستى مىندەتىن دۇرىس اتقارمادى دەگەن كۇدىكپەن تەرگەۋ باستادى. بۇل باپ بويىنشا بەس جىل باس بوستاندىعىنان ايىرۋ جازاسى قاراستىرىلعان.

ەكىباستۇزداعى بۇل اپار ەلدەگى ينفراسترۋكتۋرالاردىڭ ەسكىرگەنىن، ولاردىڭ جاعدايىنىڭ دۇرىس باقىلانبايتىنىن كورسەتتى. اپاتتىڭ رەسمي سەبەبى "جەو قىزمەتكەرىنىڭ قاتەلىگى" دەپ ايتىلدى. جەمقورلىققا قارسى اگەنتتىك جەو-داعى اپاتقا كوررۋپتسيانى دا اتادى. ال جەو يەلەرى ءتاريفتىڭ تومەن بولۋىنان جىلۋ ورتالىقتارىن جوندەۋگە اقشا جەتپەيدى دەيدى. ساراپشىلار كوممۋنالدىق تولەمدەردىڭ جۇمسالۋىندا اشىقتىق جوق دەپ ەسەپتەيدى.

Abai.kz