- ءسىزدىڭ تاپسىرماڭىزعا بويىنشا، الماتى تۇرعىندارىنىڭ قاۋىپسىزدىگىن قامتاماسىز ەتۋ ءۇشىن وسى جىلدىڭ سوڭىنا دەيىن ادام كوپ جينالاتىن ورىندارعا 3050 بەينەكامەرا ورناتىلادى. قالا تۇرعىندارىنىڭ قاۋىپسىزدىگى ءۇشىن بيىل 16,8 ميلليارد تەڭگە ءبولىندى،- دەدى ەربولات دوساەۆ توقاەۆقا قاراتا.

بۇدان بولەك قاڭتار وقيعاسى كەزىندە ماتەريالدىق زارداپ شەككەن 1640 شاعىن جانە ورتا بيزنەس سۋبەكتىسىنە 16,2 ميلليارد تەڭگە وتەماقى تولەنگەن. ەربولات دوساەۆتىڭ بايانداماسىنا قاراعاندا، كاسىپكەرلەردىڭ 95 پايىزىنا وتەماقى بيىل ماۋسىمعا دەيىن تولەنگەن. جەكە تۇلعالارعا دا 613,5 ميلليون تەڭگە مۇلىك وتەماقىسى بەرىلگەن.

الماتى اكىمىنىڭ سوزىنە قاراعاندا، قاڭتار وقيعاسى كەزىندە ورتەنگەن، قازىر جوندەلىپ جاتقان قالا اكىمدىگىنىڭ عيماراتى 2023 جىلدىڭ ەكىنشى توقسانىندا پايدالانۋعا بەرىلەدى.

بيىل 14 شىلدەدە وتكەن ۇكىمەتتىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ 1,7 مىڭ شاعىن جانە ورتا بيزنەس سۋبەكتىسىنە 14,3 ملرد تەڭگە وتەماقى تولەنگەنىن حابارلاعانەدى.

قارجى مينيسترلىگى "قاڭتار وقيعاسىنىڭ سالدارىن جويۋ ءۇشىن" ۇكىمەت 31 ملرد تەڭگە قاراجات قاراستىراتىنىن، ونىڭ 21 ميللياردى الماتى مەن وزگە وڭىرلەردەگى شاعىن جانە ورتا بيزنەس سۋبەكتىلەرىن قولداۋعا جۇمسالاتىنىن حابارلاعان.

قاڭتار وقيعاسى كەزىندە بۇلىنگەن الماتىداعى پرەزيدەنت رەزيدەنتسياسى بيىل مامىر ايىندا رەسپۋبليكالىق ماڭىزى بار تاريحي جانە مادەني ەسكەرتكىشتەر تىزىمىنەن الىنعان، ونى بۇزۋعا 6 ملرد تەڭگە (شامامەن 13 ملن دوللاردان استام) قارجى بولىنگەن.

قاڭتار وقيعاسى ەكىنشى كۇنگە ۇلاسقاندا الماتى مەن شىمكەنت، تالدىقورعان، تاراز جانە تاعى دا باسقا قالالار مەن ەلدىمەكەندەردەگى مەملەكەتتىك ورگان عيماراتتارىنان وزگە شاعىن جانە ورتا بيزنەس سۋبەكتىلەرى مەن جەكە تۇلاعالاردىڭ مۇلكىنە شىعىن كەلگەن.

Abai.kz