Abai.kz-تەن ەرمۇراتتىڭ سۇقباتىن وقىپ شىقتىم. ەرمۇرات دۇرىس ايتىپ وتىر. ەلىمىزدەگى وليگاپوليا پارلامەنتتىك سايلاۋعا الدىن-الا دايىندالىپ جاتقانى راس. جانە دە ولاردىڭ پارتيالىق پلاتفورماسى اتىن وزگەرتكەن «امانات» پارتياسى بولىپ قالا بەرەدى.

دايىندىق قازىردەن باستالىپ، بۇرىنعى نازارباەۆتىق قالىپتا ءوتىپ جاتىر – ايتىستار، كونتسەرتتەر، باسقا دا ءبىرلى-جارىم قايىرىمدىق شارالار...

مۇنىڭ ءبارى - فاساد!

سوندىقتان ەلىمىزدە شىندىقتى ايتا الاتىن، قوعامداعى جانە باسقارۋ ينستيتۋتتارىندا بۇعىپ وتىرعان "استارلى كوررۋپتسيالىق مۇددەلەردىڭ" شىن تابيعاتىن جىلىكتەپ، شاعىپ ءوڭىن ايمانداي ەتە الاتىن بەلدى، ويلى، ادىلەتتى تۇلعالار اسا قاجەت.

قازىر ويى جەتسە – باتىلدىعى جوق، باتىلدىعى جەتسە – لايىقتى بىلىكتىلىگى جوق، ءادىل بولسا – تۇعىرى جوق جانە ت.ب. بەلەستە تۇرمىز.

جەكە داۋىسپەن ماجىلىسكە بارا الاتىن تۇلعالاردىڭ نوبايى ءالى ايقىن ەمەس.

وسىلاي جالعاسا بەرسە، قوعام سامارقاۋ بولسا، وندا قوعامعا بەرىلگەن بۇل مۇمكىندىكتى وليگاپوليا يەمدەنىپ الارى ءسوزسىز. وعان قوسا، قوعامنىڭ پارتيالىق تىزىمنەن بولەك جەكە مانداتقا بولىنگەن "30 پايىزدان" اجىراۋ قاۋپى دە بار ەكەنىن ايتۋ كەرەك.

قازىر:

بيلىك وزگەرۋگە نيەتتى;

قوعام وزگەرۋگە نيەتتى;

ادامدار دا وزگەرۋگە نيەتتى.

قازىر ەل تۇتاستىعى مەن تاۋەلسىزدىكتى نىعايتۋ جولىندا ماقساتتار مەن مۇددەلەر بىرىگۋ ۇستىندە.

وسىنى تۇسىنگەندە عانا ىقپالدى ءماجىلىس قۇرىلادى.

بىراق بۇدان تىسقارى جاتاتىن، مۇددەسى توعىسپايتىن ءبىر كۇش بار، ول – بۇرىنعى وليگارحيالىق جۇيە.

ول جۇيەنى ۇلتتىق مۇددەگە قاراي بۇرا الاتىن، ونى مەملەكەت پەن حالىق مۇددەسىنە جۇمىس جاساۋعا ماجبۇرلەي الاتىن بىردەن ءبىر كۇش – ءماجىلىس بولماق. ويان، قازاق!

ءابدىراشيت باكىرۇلى

Abai.kz