ەلىمىزدەگى 19 جىلۋ ەلەكتر ورتالىعى «قىزىل» ايماققا كىردى. بۇل تۋرالى قر ەنەرگەتيكا ءمينيسترى بولات اقشولاقوۆ ايتتى.

«ەنەرگەتيكا مينيسترلىگى مەملەكەت باسشىسىنىڭ تاپسىرماسى بويىنشا قۇرىلعان ارنايى كوميسسيا جۇمىسى اياسىندا 37 جىلۋ ەلەكتر ورتالىعىنىڭ تەحنيكالىق جاي-كۇيىنە تالداۋ جۇرگىزدى. «قىزىل» ايماققا – 19, «سارى» ايماققا - 11, «جاسىل» ايماققا – 7 جەو كىردى»، - دەدى مينيستر.

ۆەدومستۆو باسشىسى جەو-لاردىڭ جاعدايىن انىقتاۋ 4 شارت بويىنشا جۇرگىزىلگەن.

«ءبىرىنشى – جابدىقتىڭ توزۋى. ونىڭ ورتاشا توزۋ كورسەتكىشى – 66 پايىز. بۇل رەتتە ورال، ستەپنوگور، تاراز، قىزىلوردا، كەنتاۋ قالالارىنداعى جەو-نىڭ توزۋى 80%-دان اسادى. ەلدەگى جەو-نىڭ ورتاشا جاسى - 61. ونىڭ ىشىندە جەو-نىڭ شامامەن 76%-ى 50 جىلدان استام ۋاقىت جۇمىس ىستەپ تۇر. 2021 جىلدىڭ قورىتىندىسى بويىنشا ەلەكتر ستانسالارىنداعى اۆاريالىق اجىراتۋلار سانى 2020 جىلمەن سالىستىرعاندا 5% ارتتى»، - دەدى بولات اقشولاقوۆ.

Abai.kz