ەنەرگەتيكا ءمينيسترى بولات اقشولاقوۆ اپاتقا جول بەرگەن جەو-لاردىڭ ءبىرىنشى باسشىلارىنا ايىپپۇل سالۋ كەرەك دەپ ەسەپتەيدى. بۇل تۋرالى ول بۇگىن ۇكىمەت وتىرىسىندا مالىمدەدى.

«ەلەكتر ستانسالارىن، جىلۋ جانە ەلەكتر جەلىلەرىن ەنەرگەتيكالىق باقىلاۋدى جۇرگىزە وتىرىپ، كاسىپكەرلىك كودەكس شەڭبەرىنەن شىعارۋ ۇسىنىلادى. ەكىنشىدەن، تاۋەكەل دارەجەسىن باعالاۋ كريتەريلەرى مەن تەكسەرۋ پاراقتارىن قولدانباي باقىلاۋ، ستانتسيالاردى، جىلۋ جانە ەلەكتر جەلىلەرىن جىل سايىن كەمىندە 4 رەت تەكسەرۋ، ماگيسترالدىق جىلۋ جەلىلەرىن باقىلاۋدى اكىمدىكتەردەن مينيسترلىكتىڭ ەنەرگەتيكالىق قاداعالاۋ كوميتەتىنە بەرۋ كوزدەلىپ وتىر. نۇسقامالاردى سوت تارتىبىمەن ماجبۇرلەپ ورىنداتۋ، اۆاريالار مەن تەحنولوگيالىق بۇزۋشىلىقتاردىڭ تۋىنداۋىنا قاراي باقىلاۋ جاساۋ، جوندەۋ جۇمىستارىنا تەكسەرۋ جۇرگىزۋ جانە ينۆەستيتسيالىق كەلىسىمنىڭ ورىندالۋى، اكىمشىلىك قۇقىق بۇزۋ تۋرالى كودەكستە ايىپپۇلداردى ۇلعايتۋ جانە ولاردى كاسىپورىننىڭ ءبىرىنشى باسشىلارىنا سالۋ بولىگىندە ەنەرگەتيكالىق باقىلاۋدى كۇشەيتۋگە باعىتتالعان سالالىق تاسىلدەردى قولداۋ قاجەت»، - دەدى بولات اقشولاقوۆ.

Abai.kz