جوعارعى سوتتىڭ ءباسپاسوز قىزمەتى تاراتقان اقپاراتتا رەسپۋبليكالىق جۇمىس توبىنىڭ عىلىمي زەرتتەۋى كەزىندە تابىلعان سەبەپتەرگە بايلانىستى اقتالماي قالعان رەپرەسسيا قۇرباندارىنىڭ ءىسىن قايتا قاراۋ جونىندە ۇسىنىس تۇسكەنى ايتىلعان.

رەپرەسسيا قۇرباندارىن اقتاۋ جونىندەگى رەسپۋبليكالىق جۇمىس توبى 2020 جىلعى 8 قازاندا وزبەكستان پرەزيدەنتىنىڭ تاپسىرماسىمەن قۇرىلعان. جوعارعى سوت وسىمەن ءۇشىنشى رەت ستالين رەپرەسسياسىنىڭ قۇرباندارىن اقتاۋ جونەندە وتىرىس وتكىزەدى.

جىل باسىندا جوعارعى سوت توراعاسىنىڭ ورىنباسارى يكرام ءمۇسلىموۆتىڭ جەتەكشىلىگىمەن التى قىلمىستىق ءىس قارالىپ، 120 ادام ارەكەتىندە قىلمىس قۇرامى بولماۋىنا بايلانىستى اقتالدى.

2021 جىلعى 25 تامىزدا جوعارعى سوت سوۆەت جۇيەسى كەزىندە جازىقسىز قۋدالانعان 115 ادامدى اقتادى. ولاردىڭ اراسىندا تاۋەلسىزدىك ءۇشىن قۇرىلعان قوزعالىس جەتەكشىلەرى يبروحيمبەك كۋرباشي مەن ناسيرحان تۋرا دا بار.

مالىمەتتەرگە قاراعاندا، 1937-1953 جىلدار ارالىعىندا مەملەكەت ەركىندىگى ءۇشىن كۇرەسكەن 100 مىڭنان استام وزبەك رەپرەسسياعا ۇشىراعان. اتاپ ايتقاندا، 13 مىڭ ادام ادام اتىلعان، زيالى قاۋىمنىڭ مىڭداعان وكىلى جەر اۋدارىلعان.

Abai.kz