ستراتەگيالىق تۇرعىدا كوشباسشىعا كەرەك 7 قاسيەت:

1. كومانداڭىزدى ادىلدىك پەن يدەيا ءۇشىن جۇمىلدىرىڭىز

قازىر ادامدار ىشتەگى بوس كەڭىستىكتى ءمانسىز قيالمەن تولتىرادى. سول ءۇشىن ولار سەنەتىن ءبىر يدەيا، كۇرەسەتىن ادىلدىك قاجەت. ءسىز سونى ۇسىنىڭىز.

2. قارىندارى توق بولسىن

كوماندانى وتىرىك يدەيامەن دە، يدەولوگيامەن دە الىسقا اپارا المايسىز. ولاردىڭ ماتەريالدىق پروبلەماسىن دا شەشۋ قاجەت.

3. الدىڭعى قاتاردان تابىلىڭىز

ءسىز الدىڭعى قاتاردا تۇرعان كەزدە عانا كوماندانىڭ بويىندا سەنىمدىلىك بولادى. كوماندا ارتىنان يتەرىپ وتىراتىن ادامعا ەمەس، الدىنداعى كەتىپ بارا جاتقان كوشباسشىنى قۋىپ جەتۋگە تىرىسادى.

4. ەنەرگيانى ءبىر نۇكتەگە قاراي باعىتتاۋ

كوماندا بوس جۇرىسپەن جۇرە بەرگەن سايىن ءبىر كۇنى ورتاق قۇندىلىق پەن بىرلىكتەن ادا بولادى. اقىرى ىشكى ەگو ويانىپ، ءبارى جان-جاققا تارتادى. سول ءۇشىن كوماندا ءاردايىم ءبىر ىسپەن شۇعىلدانىپ، دامىپ وتىرۋى ءتيىس.

5. ىشتەگى سەزىمدى وياتىڭىز

كوماندانىڭ ىشكى الەمىنە اسەر ەتەتىن، ولاردىڭ ەموتسياسىن سىرتقا شىعاراتىن شەشەن، سوزگە شەبەر بولىڭىز. دۇرىس سويلەۋ، قولداۋ ارقىلى ولاردىڭ ىشتە بۇعىپ جاتقان سەزىمىن وياتاسىز.

6. 50/50

قاتال ءارى مەيىرىمدى بولۋ. ياعني بالانس ۇستاۋ. مەيىرىمگە ساراڭ بولماۋ كەرەك. سول سەكىلدى قاتال بولاتىن جەردە ونى كورسەتۋ دە كەرەك.

7. جالقاۋلار مەن سىلتاۋ كوپ ايتاتىنداردان قاشىڭىز

كوماندادا وسىنداي ادامدار بولسا، ورىندارىن باساتىن باسقا كوزدەرى جانىپ تۇرعاندارعا يەك ارتىڭىز. سەبەبى سىلتاۋ كوپ ايتاتىندار ۇيىپ وتىرعان كوماندانىڭ ىشىندە شۋ شىعارادى، ارتقا تارتاتىن وسەك جىبەرەدى. سوندىقتان ولاردان ءبىرىنشى قۇتىلۋ كەرەك نە مۇلدە جولاماعان دۇرىس.

بىرنەشە كوماندامەن جۇمىس ىستەدىم ءارى ىستەپ تە جاتىرمىن. ودان بولەك جاڭادان كوماندانى قۇرىپ تا كوردىم. ءبىر نارسەنى انىق ايتا الامىن: ءسىزدىڭ بويىڭىزدا سەنىم ارتۋعا بولاتىن تيتتەي عانا ءبىر تامشى ء"مان" بولسا، ارتىڭىزدان ەرگەن كومانداعا الدىنان شىعاتىن قيىندىق وت پا، سۋ ما قارامايدى. سەبەبى سىزدەگى ءمان ولاردىڭ جۇرەگىندەگى ءماندى وياتادى. ول سىزبەن بىرگە ۇلكەن جەتىستىككە جەتۋ نەمەسە سول جولداعى كۇرەستىڭ ءدامىن تاتىپ كورۋ.

مارعۇلان اقان

Abai.kz