ءۇش ءجۇز كۇن بويى ازاتتىعى ءۇشىن سوعىسىپ جاتقان ۋكراينا حالقىنىڭ ەرلىگىن الەم كورىپ وتىر. ال، وسى ۋاقىتتا ەل پرەزيدەنتى ۆ.زەلەنسكيدىڭ اقش-قا بارۋىنىڭ دا سيمۆوليكالىق ءمانى بار. بىلايشا ايتقاندا، جىل اياقتالدى، مايدان شەبى بويىنشا ۋكرايندار ءۇش رەت جەڭىسكە جەتتى، ياعني، ۋكراينانىڭ سولتۇستىگىنەن جاۋ تىرقىراي قاشتى، ەكىنشى كەزەڭدە حاركوۆ وبلىسى ازات ەتىلدى، ءۇشىنشى، ول جاۋ قولىنداعى حەرسوننىڭ بوساتىلۋى. ەندى، ءتورتىنشى ءساتتى وپەراتسيانى كۇتەمىز. ۋكرايندار وككۋپاتسياداعى جەرىنىڭ 54 پروتسەنتتەن استامىن قايتاردى، دەگەنمەن، ەل اۋماعىنىڭ ءالى دە 18 پروتسەنتە جۋىعى باسقىشىلار قاراماعانىندا.

قولدارىنان بوق تا كەلمەيتىن باسقىنشىلار تەك لاڭكەستىك ارەكەتتەرگە بارادى. ينفراقۇرلىم، جىلۋ-جارىق ورتالىقتارىن اتقىلاۋىن دوعارار ەمەس، دەگەنمەن، ۋكراينا بىرتىندەپ اۋە قورعانىشىن كۇشەيتىن، اۋەدەن جاۋ سوققىسىن ازايتا تۇسكەن، اۋەدەن كەلەتىن زىمىران-درونداردىڭ شامامەن العاندا 80 پروتسەنتتەن استامى قۇلاتىرلىپ جاتىر. ەگەر، Patriot سىندى اۋە قورعانىشى جەتسە، وندا ۋكراينا اسپانىنا ەداۋىر تىنىشتىق ورنايدى دەگەن ءسوز. ايتقانداي، اقش جانە ۋكراينا باسشىلارىنىڭ كەشەگى كەزدەسۋى ناتيجەسىندە كەكىلدىلەر ەلىنە تاعى 1,85 ملرد دوللار بولىنەتىن بولدى.

ال، مەن كەيدە ۋكراين ساربازدارىن باتىرلار جىرلارىنداعى قازاق باتىرلارىمەن سالىستىرامىن. ولار دا ءوز ەلىنىڭ ازاتتىعى، جەرىنىڭ اماندىعى ءۇشىن قان توكتى جانە سۋعا سالسا باتپايتىن، وتقا سالسا جانبايتىنداي. دەگەنمەن، ۋكراين ساربازدارى ەت پەن تەرىدەن جاراتىلعان، ادام بالاسى، تەك رۋحتارى مىقتى. وتارشىلار بولسا، قانعا تويماي، اسكەرگە تاعى 1,5 ملن ادام، ونىڭ ىشىندە 700 مىڭ كەلىسىم-شارت بويىنشا ادام الۋعا مۇددەلى. بىراق، وزىق باتىس قارۋى مەن رۋحتى ۋكراين اسكەرلەرى 2023 جىلى جاۋدى قۋىپ، جەڭىلىسكە ۇشىراتادى دەن سەنەمىن.

ايتقانداي، "جەڭىلگەن كۇرەسكە تويماس" دەگەندەي: ء"بىز ۋكراينانى جەڭگەن سوڭ، ازەربايجانعا باسىپ كىرەمىز" دەپ كولگىرسيدى وتارشىلار، سونداعى ماقساتى الەمدەگى مۇناي باعاسىنىڭ ءتۇسىپ كەتۋىمەن بايلانىستى. ازەربايجان ەۋروپا نارىعىنا مۇناي جەتكىزۋشى ەلدەردىڭ بىرىنە اينالعان، ال، تۇركىمەن گازى تۋرالى ايتتىق. وسى مەزەتتە قازاق مۇنايى دا گەرمانياعا نارعىنا جەتەدى دەگەن اقپارات شىقتى. لايىم سولاي بولسىن!

قولدارىنان ەڭتەڭە كەلمەگەن سوڭ، باسقىنشى ەل، كوسوۆو مەن سەربيا اراسىنا شي جۇگىرتۋگە تىرىسقان. ال، كوسوۆو مەن البانيا ءوز كەزەگىندە تۇرىك دروندارىن ساتىپ العان. ءبىر قىزىعى، 2022 جىلى تۇرىك اعايىندار "بايراقتارىن" ساتۋ ارقىلى 2 ملرد. دوللار قاراجات تاپقان. جالپى، قازىر الەمدە قارۋلانۋ، قار-جاراق شىعارۋ ءوندىرىسى بەلەڭ العان. مىسالى، اقش-تا زەينەتكەرلەر قارۋ-جاراق زاۋىتتارىنا جۇمىسقا شاقىرىلسا، كەرىسىنشە، رەسەيدە يران دروندارىن شىعارۋ جونىندەگى اڭگىمە سيىرقۇيىمشاقتانىپ كەتكەن.

قالاي دەسەك تە كەشەگى الەمنىڭ باستى ەلى كسرو-نىڭ مۇراگەرى رەسەيدىڭ ەندى دۇنيە ءجۇزىنىڭ ەكىنشى دارەجەلى ەمەس، تەحنولوگيالىق جاعىنان ارتتا قالعان ءۇشىنشى دەڭگەيلى ەلگە اينالۋى قىزىق. ءبىر جاعىنان 70 جىل بويى جالعان يدەولوگيامەن ۋلانعان، ودان كەيىن 30 جىل بويى ۇگىت-ناسيحاتتارىمەن ۋلانعان ولاردى اياپ تا قاجەتى جوق!

جالپى، ۋكراينا مەن رف سوعىسى يدەولوگيالىق كۇرەس، ونى كەشەگى كۇنى مىنا كورىنىس جاقسى كورسەتتى. ۋكراين پرەزيدەنتى قان مايدانداعى، 40 000 جاۋ كۇندىز-ءتۇنى اتقىلىپ جاتقان باحمۋتقا بارىپ، ساربازدارعا قولداۋ ءبىلدىردى، ال، رف پرەزيدەنتى شتابقا بارىپ، قايتىپ كەتتى. مىنە، وسىدان-اق كوپ جايتتى بايقاۋعا بولادى!

ايتقانداي، الدىندا باحمۋتتا كوشە ۇرىستارى ءجۇرىپ جاتقان بولاتىن، ەندى، ۋكراين سابازدارى ولاردى شاھار ماحاللالارىنان تىم-تىراقاي قۋىپ شىققان!

اماندىق ءامىرحامزين