سىبايلاس جەمقورلىققا قارسى قىزمەتى لاۋازىمدىق وكىلەتتىكتەرىن اسىرا پايدالانۋ فاكتىسى بويىنشا «قازگەولوگيا» ۇلتتىق گەولوگيالىق بارلاۋ كومپانياسى» اق (مەملەكەتتىڭ 100% قاتىسۋى) باسشىلىعىنا قاتىستى سوتقا دەيىنگى تەرگەپ-تەكسەرۋدى باستادى.

«مەكەمە باسشىلىعى جارعىنى بۇزا وتىرىپ، ديرەكتورلار كەڭەسىنىڭ ءتيىستى شەشىمىنسىز باسقارما مۇشەلەرىنە (باسقارما توراعاسى، توراعانىڭ 3 ورىنباسارى، باس گەولوگ) 2017-2019 جىلدار كەزەڭىندە جالاقىنى، بونۋستاردى جانە ماتەريالدىق كومەكتى 169 ملن تەڭگەدەن استام سوماعا ارتىق تولەۋگە اكەپ سوقتىرعان لاۋازىمدىق جالاقىنىڭ مولشەرىن 2 ەسە ۇلعايتتى دەپ كۇدىكتەنەدى»، - دەپ جازدى ۆەدومستۆودان. انتيكور تاراتقان دەرەكتەرگە قاراعاندا، تەرگەۋ جالعاسۋدا. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.

Abai.kz