2022 جىلدىڭ قاراشا ايىندا ەكىنشى دەڭگەيلى بانكتەر مەن جەكەلەگەن بانكتىك ەمەس ايىرباستاۋ پۋنكتەرىندە جالپى سالماعى 81,6 كەلى 2 516 التىن قۇيماسى ساتىلدى. بۇل تۋرالى ۇلتتىق بانك حابارلادى.

ازاماتتارعا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017 جىلى ىسكە قوسقان بولاتىن. باعدارلاما قولعا الىنعالى جالپى سالماعى 3,76 تونناعا جۋىق 110 591 التىن قۇيما ساتىلعان.

قۇيمالار بەس ءتۇرلى سالماقتا ۇسىنىلادى: 5, 10, 20, 50 جانە 100 گ. ساتىپ الۋشىلار اراسىندا وتە جوعارى سۇرانىسقا يە ءتۇرى – 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى 26% – 28 389 دانا. ودان كەيىن 5 گرامدىق التىن قۇيما – 24 082 دانا (22%) جانە 20 گرامدىق قۇيما - 22 721 دانا (20%), 100 گرامدىق قۇيما – 22 573 دانا (20%), ال 50 گراممدىق قۇيمادان – 12 826 دانا (12%). التىن قۇيمالار الماتى، استانا جانە اتىراۋ قالالارىندا كوپ ساتىلادى.

باعدارلاما باستالعاننان بەرى ەكىنشى دەڭگەيلى بانكتەر مەن جەكەلەگەن بانكتىك ەمەس پۋنكتەر جالپى سالماعى 453 كەلى 17 999 التىن قۇيمانى كەرى ساتىپ العان، بۇل – جالپى ساتىلعان التىن قۇيمالاردىڭ 16,3%-ى. ولار كەرى ساتىپ العان التىن قۇيمالاردىڭ بارلىعى دەرلىك ۇلتتىق بانكتىڭ فيليالدارى ارقىلى حالىققا ساتىلادى.

Abai.kz