تۇڭعىش پرەزيدەنت تۋرالى زاڭ نەگە ءالى كۇشىن جويمادى؟ بۇل سۇراققا جاۋاپ بەرگەن مينيستر قانات مۋسين «تۇڭعىش پرەزيدەنت تۋرالى زاڭمەن ادىلەت مينيسترلىگى اينالىسىپ جاتقان جوق»،-دەدى.

«تۇڭعىش پرەزيدەنت تۋرالى زاڭ جوباسىمەن قازىر ادىلەت مينيسترلىگى اينالىسىپ جاتقان جوق. ءبىز زاڭنامانىڭ رەۆيزياسىن جۇرگىزىپ جاتىرمىز. ويتكەنى، تۇڭعىش پرەزيدەنت تۋرالى نورما كەمىندە 20 زاڭدا بار. سول سەبەپتى زاڭ جوباسىن دايارلاۋ ءۇشىن بازانى ازىرلەپ، ءبىر زاڭمەن عانا ەمەس، كەشەندى جۇمىس جۇرگىزۋ كەرەك. جۇمىس جالعاسىپ جاتىر»، - دەدى قانات مۋسين ۇكىمەت كۋلۋارىندا.

بۇعان دەيىن پارلامەنت ءماجىلىسىنىڭ دەپۋتاتى ەرلان سايروۆ «قازىر ەنگىزىلگەن وزگەرتۋلەر اياسىندا زاڭنامالىق اكتىلەردى كونستيتۋتسياعا سايكەستەندىرۋ جۇمىستارى ءجۇرىپ جاتىر، وسىعان بايلانىستى «ەلباسى تۋرالى" زاڭ جىل سوڭىنا دەيىن كۇشىن جويادى» دەگەن بولاتىن. بىراق جىل سوڭى بولعانىنا قاراماستان، زاڭ ءالى ءوز كۇشىن ساقتاپ تۇر.

Abai.kz