جۇما, 4 ءساۋىر 2025
2147 0 پىكىر 28 جەلتوقسان, 2022 ساعات 14:06

وزبەكستاندا "دوك-1 ماكس" دارىسىنەن 18 بالا كوز جۇمدى

وزبەكستاندا "دوك-1 ماكس" ءدارىسىن ىشكەننەن كەيىن ولگەن بالا سانى 18-گە جەتتى. بۇنىڭ الدىندا وسى ءدارىنى قابىلداعان سوڭ 15 بالا قايتىس بولعانى حابارلانعان ەدى.

سامارقاند وبلىسى بالالار اۋرۋحاناسىنىڭ باس دارىگەرى م. ءازىزوۆ 15 جەلتوقساندا وبلىستىق دەنساۋلىق ساقتاۋ باسقارماسى باسشىسىنا حات جازىپ، "دوك-1 ماكس" ءدارىسىن قابىلداعان 21 بالانىڭ "بۇيرەگى ىستەمەي قالعانىن" ايتقان.

ومبۋدسمەن ءباسپاسوز قىزمەتىنىڭ حابارلاۋىنشا، ناۋقاستار جيزاق، قاشقاداريا، ناۋاي جانە سامارقاند وبلىستارىنان تۇسكەن. ءۇش ناۋقاس جازىلىپ، ۇيىنە قايتقان. 18 ناۋقاس قايتىس بولعان. ولاردىڭ ءبارى التى جاسقا دەيىنگى بالالار، 15-ءى ءۇش جاسقا ءالى تولماعان.

ناۋقاستاردىڭ اتا-انالارى تۇماۋراتقان بالاعا وسى ءدارىنى بەرگەن سوڭ جاعدايى كۇرت ناشارلاعانىن ايتقان. ءدارىنى قابىلداۋ نۇسقاۋلىعىندا ونى ەكى جاستان باستاپ بەرۋگە بولاتىنى جازىلعان، ال باسقا دا فيرمالاردىڭ وسىنداي قۇرامداعى دارىلەرىندە 12 جاستان باستاپ بەرۋگە بولاتىنى ايتىلعان.

وزبەكستان 2022 جىلعى 22 جەلتوقساندا بۇل ءدارىنى ساتۋعا ۋاقىتشا تىيىم سالدى. دەنساۋلىق ساقتاۋ مينيسترلىگى ءۇندىستاننىڭ Marion Biotech Pvt. Ltd كومپانياسىنىڭ "دوك-1 ماكس" ءدارىسىن سامارقاند ءدارىحانالارىنىڭ ساتىپ الۋ ءتارتىبىن تەكسەرىپ جاتىر.

وزبەكستاندا بالالالار ولىمىنە بايلانىستى قىرعىزستان دا "دوك-1 ماكس" ءدارىسىن ساتۋدى توقتاتتى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1415
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4125
46 - ءسوز

بىزگە بەيمالىم باراق حان

جامبىل ارتىقباەۆ 3010