پرەزيدەنت: "ۇكىمەتتى كادرلىق وزگەرىستەر كۇتىپ تۇر"
قر پرەزيدەنتى قاسىم-جومارت توقاەۆ جاڭا جىلدان باستاپ ۇكىمەتتە كادرلىق وزگەرىستەر بولاتىنىن ايتتى.
«مەن جاقىندا وتكەن ۇكىمەت وتىرىسىندا بۇل ماسەلە بويىنشا ناقتى ايتتىم. ەلىمىز ءۇشىن وتە ماڭىزدى بىرقاتار ماسەلە بويىنشا ۇكىمەت لايىقتى بەلسەندىلىك كورسەتىپ وتىرعان جوق، شەشىمدەرىن باياۋ قابىلداپ جاتىر. ۇكىمەت وسى ولقىلىقتاردى تۇزەتۋ ءۇشىن ارەكەتتەرىن قولدانۋدا، تاياۋ ارادا ونىڭ جۇمىسىنىڭ تيىمدىلىگى ارتادى دەپ ويلايمىن. پرەمەر-ءمينيستردىڭ ۇسىنىسى بويىنشا جاڭا جىلدىڭ باسىندا ۇكىمەتتە بىرقاتار كادرلىق وزگەرىستەر جاساماقشىمىن. جالپى، ۇكىمەتتىڭ الدىندا تۇرعان ماقساتتار – وتە اۋقىمدى جانە وزەكتى»، - دەدى پرەزيدەنت بۇگىنگى سەنات وتىرىسىندا.
Abai.kz
