«قازتەمىرترانس» لاۋازىمدى تۇلعالارىن زاڭسىز بايىتۋدىڭ قىلمىستىق سحەماسى اشكەرەلەندى، دەپ حابارلادى انتيكور.

«جەدەل وڭدەۋ ناتيجەلەرى بويىنشا قازاقستان تەمىر جولى ەنشىلەس كاسىپورىندارىنىڭ ءبىرىنىڭ، اتاپ ايتقاندا قازاقستان رەسپۋبليكاسى جۇك ۆاگون پاركىنىڭ ءىرى وپەراتورى بولىپ تابىلاتىن «قازتەمىرترانس» اكتسيونەرلىك قوعامىنىڭ لاۋازىمدى ادامدارىن زاڭسىز بايىتۋدىڭ قىلمىستىق سحەماسى اشىلىپ، جولى كەسىلدى.

قوعامنىڭ جانە ونىڭ وڭىرلىك فيليالدارىنىڭ لاۋازىمدى تۇلعالارى جۇك ۆاگوندارىنىڭ تاپشىلىعىن پايدالانا وتىرىپ، كەيبىر جاعدايلاردا وسىنداي تاپشىلىقتى جاساندى تۇردە جاساي وتىرىپ، پروبلەمالاردى شەشۋدىڭ ورنىنا، وسى جاعدايدى وزدەرىنىڭ پايداكۇنەمدىك ماقساتتارىندا پايدالانىپ، جۇك ۆاگوندارىن كەدەرگىسىز جانە جەدەلدەتىپ بەرگەنى ءۇشىن كاسىپكەرلەردەن جۇيەلى نەگىزدە پارا العانى انىقتالدى.

تۇراقتى پارا الۋدىڭ بەلگىلەنگەن سحەماسىنا فيليالداردىڭ قىزمەتكەرلەرى مەن باسشىلارى، سونداي-اق باس كەڭسە بولىمشەلەرىنىڭ مەنەدجەرلەرى مەن باستىقتارى قاتىستى»،-دەپ جازدى اگەنتتىك.

انتيكوردىڭ مالىمدەۋىنشە، قاراجات لاۋازىمدى تۇلعالاردىڭ نەمەسە ولاردىڭ سەنىمدى ادامدارىنىڭ، ونىڭ ىشىندە جاقىن تۋىستارىنىڭ شوتتارىنا اۋدارىلىپ وتىرعان.

«اقمولا فيليالىنىڭ ءبىر عانا باسشىسى 2020 جىلدان باستاپ 70 ميلليون تەڭگەدەن استام قاراجاتتى زاڭسىز الىپ، ونىڭ باسىم بولىگىن ششۋچە-بۋراباي كۋرورتتىق ايماعىنىڭ ويىن مەكەمەلەرىنە جۇيەلى تۇردە بارۋ ارقىلى جۇمساعان. قاراعاندى فيليالىنىڭ بۇرىنعى جانە قازىرگى باسشىلارى دا وسىنداي قىلمىستار جاسادى دەپ كۇدىكتەلۋدە. بارلىق اتالعان ادامدار ۇستالدى جانە تەرگەۋ سوتىنىڭ سانكتسياسىمەن 2 ايعا قاماۋعا الىندى. سونداي-اق، اقشالاي قاراجاتتى زاڭسىز الۋدا قىزىلوردا فيليالىنىڭ باسشىسى مەن قوعامنىڭ ورتالىق اپپاراتىنىڭ بىرقاتار قىزمەتكەرلەرى اشكەرەلەندى.باسقا لاۋازىمدى تۇلعالاردىڭ قاتىسۋى تەكسەرىلۋدە»،-دەلىنگەن ۆەدومستۆو حابارلاماسىندا.

سونداي-اق جۇك ۆاگوندارىنىڭ ۋاقتىلى جەتكىزىلمەۋىنە بايلانىستى جۇك جونەلتۋشى كاسىپورىندار جەتكىزىلىمدەردىڭ بۇزىلۋىنا جول بەرەدى، ۇلكەن شىعىندارعا ۇشىرايدى جانە پارا بەرۋ ارقىلى ءوز ماسەلەلەرىن شەشۋگە ءماجبۇر. بۇل شىعىنداردىڭ بارلىعى تاۋارلار باعاسىنىڭ وسۋىنە اسەر ەتەدى.

Abai.kz