ونىڭ پىكىرىنشە، بۇل تاقىرىپ "كەيبىر ازاماتتار ءۇشىن ەل اراسىنا ىرىتكى سالىپ، بيلىككە كەلۋ ماقساتىندا شۋ شىعارىپ وتىر".

"بيلىك قانداي شەشىم قابىلداسا دا، ەل مۇددەسى ءۇشىن قابىلدايدى. بۇل جەردە كەمپىراباد ءىسىن پايدالانىپ، ەل اراسىنا ىرىتكى سالعىسى كەلەتىن ءۇشىنشى كۇش بار", - دەدى جاپاروۆ.

قىرعىزستان پرەزيدەنتى سادىر جاپاروۆ 29 قاراشادا قىرعىز-وزبەك شەكاراسىنا قاتىستى كەلىسىمگە، ونىڭ ىشىندە كەمپىراباد سۋ قويماسىن بىرلەسىپ باسقارۋ جونىندەگى كەلىسىمدى راتيفيكاتسيالاۋ تۋرالى زاڭعا قول قويعان.

بۇل زاڭ قىرعىز پارلامەنتىندە ۇلكەن داۋمەن قابىلدانعان. وسىدان كەيىن ەلدىڭ بىرقاتار بەلسەندىلەرى مەن ساياساتكەرلەرى كەمپىراباد سۋ قويماسىن قورعاۋ جونىندە شتاب قۇرعان. ارتىنشا 30-عا جۋىق ادام ۇستالىپ، ولاردىڭ ۇستىنەن "جاپپاي تارتىپسىزدىك ۇيىمداستىرماق بولدى" دەگەن ايىپپەن قىلمىستىق ءىس قوزعالعان.

Abai.kz