مۇنداي باستاما ەۋرووداق ەلدەرى دەنساۋلىق ساقتاۋ مينيسترلەرىنىڭ 3 قاڭتاردا وتەتىن كەزدەسۋى قارساڭىندا كوتەرىلدى. ەو دەنساۋلىق ساقتاۋ ماسەلەلەرى جونىندەگى كوميسسياسىنىڭ باسشىسى ستەللا كيرياكيدەس قىتايدىڭ كوروناۆيرۋس ىندەتىن "قاتاڭ تارتىپپەن توقتاتۋ" ساياساتىنان باس تارتۋىنا "ەۋروپا جاۋابىن" دايىنداعىسى كەلەدى.
ەو-عا مۇشە ەلدەردىڭ ۆاكتسينا قورى تولىق. پەكين ازىرگە مۇنداي ۇسىنىسقا جاۋاپ بەرگەن جوق، دەپ جازدى باسىلىم.
قىتاي ىندەتكە قارسى كۇرەستە ءوزى دايىنداعان Sinovac جانە Sinopharm ۆاكتسينالارىن قولداندى، شەتەلدە ازىرلەنگەن رنك-پرەپاراتتارىنان باس تارتتى. دۇنيەجۇزىلىك دەنساۋلىق ساقتاۋ ۇيىمى 2022 جىلعى 31 جەلتوقساندا قىتايدا ۆاكتسينا ەگۋ كورسەتكىشى جەتكىلىكسىز دەپ مالىمدەگەن.
قىتايدا كوروناۆيرۋس ىندەتىنىڭ ورشۋىنە بايلانىستى الەم ەلدەرىنىڭ بىرقاتارى قىتايدان كەلگەندەردى تەكسەرۋ ەنگىزدى.
2022 جىلعى جەلتوقساندا قىتاي حالقىنىڭ لوكداۋنعا قارسى كوتەرىلىسىنەن سوڭ بيلىك شەكتەۋ شارالارىنىڭ بارىنەن باس تارتتى. سودان كەيىن ىندەت قايتا ءورشىدى. بەيرەسمي مالىمەتكە قاراعاندا، قىتايدا كۇندە ميلليونداعان ادام كوروناۆيرۋس جۇقتىرادى. ەلدەگى اۋرۋحانالار ناۋقاسقا تولعان، كرەماتوريلەر دە ءمايىتتى ورتەپ ۇلگەرمەي جاتىر.
Abai.kz
