ءماجىلىس دەپۋتاتى ايدوس سارىم: «ۇقشۇ-نىڭ بىردە-ءبىر ساربازى ەل ىشىنە ارالاسقان ەمەس، مەملەكەتتىڭ تۇراقتىلىعى تەك ءوز اسكەرىمىزدىڭ، پوليتسيامىزدىڭ ارقاسىندا عانا جۇزەگە استى»، - دەدى بۇگىنگى ءماجىلىس وتىرىسىندا.

دەپۋتات ۇقشۇ اسكەرىنىڭ ەلگە كەلۋى تۋرالى داقپىرت تاراعانىن ايتتى.

«ورىس نەمەسە قىرعىز اسكەرى حالىققا وق اتتى دەگەن داقپىرت بار. شىندىعىندا ولاي بولماعان. ۇقشۇ قوسىندارى ءوز ەلىمىزدىڭ ارنايى مامانداندىرىلعان كۇشتەرىن بوساتىپ، ەلدەگى كونستيتۋتسيالىق ءتارتىپتى ورناتۋ جۇمىستارىنا باعىتتاۋعا جول اشتى.

ۇقشۇ-نىڭ بىردە-ءبىر ساربازى ەل ىشىنە ارالاسقان ەمەس، ارالاسۋى دا مۇمكىن ەمەس ەدى. ولار تەك تەحنيكالىق كومەك فۋنكتسياسىن جۇزەگە اسىردى. ەلدىڭ، مەملەكەتتىڭ تاۋەلسىزدىگى، تۇراقتىلىعى تەك ءوز اسكەرىمىزدىڭ، پوليتسيامىزدىڭ ارقاسىندا عانا جۇزەگە استى. بۇل تۇرعىدان قازاق ەلى ەشكىمگە دە قارىزدار بولعان ەمەس، بولمايدى دا»، - دەدى ءماجىلىس دەپۋتاتى.

Abai.kz