دەپۋتات جاناربەك ءاشىمجان قاڭتار وقيعاسى كەزىندە جاستاردىڭ ديكي ارماننىڭ توبىنا قوسىلىپ كەتۋى جايلى ءسوز قوزعادى.

«اۆتوريتەت اعالاردى جاعالاعان جاستاردىڭ كوبەيگەنى سونشا، قوعامدا «بوكەڭنىڭ جىگىتتەرى»، «توكەڭنىڭ بالالارى» دەگەن توپتاردىڭ اتىنان ات ۇركەتىن جاعدايعا جەتتىك. مۇنداي توپتار الەۋمەتتىك جەلىلەر ارقىلى وزدەرىنىڭ ۇلدە مەن بۇلدەگە ورانعان ومىرلەرىن كورسەتىپ، جاستاردىڭ ساناسىن الاڭسىز بۇزدى. مۇنداي توپتاردىڭ كوكسەگەنى ادىلەتسىز بايلىق پەن قۋىرشاق بيلىك. ولار ءۇشىن توپ قۇرۋ، قارۋ ۇستاپ، السىزگە الىمجەتتىك كورسەتۋ، كاسىبىن تارتىپ الۋ – ناعىز باتىرلىققا تەڭەستىرىلدى. سونىڭ سالدارىنان ءبىر توپ جاستار قاڭتار وقيعاسىندا قىلمىسكەرلەر اراسىندا «ديكي ارمان» لاقاپ اتىمەن تانىمال ارمان جۇماگەلديەۆتىڭ قىلمىستىق ءىس-ارەكەتىنىڭ قۇربانى بولدى»،-دەدى دەپۋتات.

Abai.kz