بيىلدان باستاپ مەملەكەتتىك الەۋمەتتىك ساقتاندىرۋ قورىنان بەرىلەتىن تولەمدەردىڭ مولشەرى ارتتى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى.

رەسمي مالىمەتكە سايكەس، 1 قاڭتاردان باستاپ جۇمىسسىز قالعان، ەڭبەك قابىلەتىنەن جانە اسىراۋشىسىنان ايىرىلعان جاعدايدا بەرىلەتىن الەۋمەتتىك تولەمدەردىڭ مولشەرى ءوستى. ولار:

جۇمىسىنان ايىرىلۋ بويىنشا الەۋمەتتىك تولەم 13 پايىزعا;

ەڭبەك قابىلەتتىنەن جانە اسىراۋشىسىنان ايىرىلعان جاعدايدا بەرىلەتىن الەۋمەتتىك تولەمدەر 8,5 پايىزعا ءوستى.

سونداي-اق بالا كۇتىمى بويىنشا الەۋمەتتىك تولەمنىڭ مەرزىمى 1,5 جاسقا دەيىن ۇزارتىلىپ وتىر. بيىل بۇل تولەم 500 مىڭنان استام اتا-اناعا تاعايىندالاماق.

ايتا كەتەيىك، مەملەكەتتىك الەۋمەتتىك ساقتاندىرۋ قورىنان بەرىلەتىن تولەمدەر جۇمىس ىستەگەن جانە اي سايىن قورعا جارنا اۋدارعان ادامدارعا بازالىق مەملەكەتتىك تولەمدەرمەن بىرگە بەرىلەدى.

Abai.kz