سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ بۇرىنعى ورىنباسارى ماقسات قوجاباەۆ ۇستالدى.

قر ۇلتتىق قاۋىپسىزدىك كوميتەتىنىڭ مالىمەتىنشە، 2023 جىلعى 9 قاڭتاردا ۇلتتىق قاۋىپسىزدىك كوميتەتى سوتقا دەيىنگى تەرگەۋ اياسىندا جەمقورلىق قۇقىق بۇزۋشىلىق جاسادى دەگەن كۇدىكپەن قۇقىق قورعاۋ ورگاندارىنىڭ بۇرىنعى جوعارى لاۋازىمدى قىزمەتكەرى م.قوجاباەۆتى ۇستادى.

«جەدەل-تەرگەۋ شارالارى جالعاسۋدا. وزگە اقپارات تەرگەۋ مۇددەسىندە جاريالاۋعا جاتپايدى»، - دەپ اتاپ وتەدى كوميتەتتىڭ ءباسپاسوز قىزمەتىنەن.

ماقسات امانقۇلۇلى قوجاباەۆ 2022 جىلدىڭ 21 ساۋىرىندە مەملەكەت باسشىسىنىڭ وكىمىمەن قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) توراعاسىنىڭ ورىنباسارى لاۋازىمىنان بوساتىلعان.

Abai.kz