قازاقستاندا ەر ادامدارعا قاراعاندا ايەلدەر ەڭبەكپەن از قامتىلعان. بۇل تۋرالى Energyprom.kz جاريالادى.

وتكەن جىلدىڭ ءۇشىنشى توقسانىندا ەلىمىزدەگى جۇمىسسىزدار سانى 450,3 مىڭ ادامعا جەتتى. بۇل كورسەتكىش 2021 جىلدىڭ سايكەس كەزەڭىمەن سالىستىرعاندا 0,1%-عا از.

قازاقستاندا جۇمىسسىزدار سانى ەكىنشى جىل قاتارىنان قىسقارىپ جاتىر. دەگەنمەن 2019 جىلدىڭ ءۇشىنشى توقسانىمەن سالىستىرعاندا كورسەتكىش ءالى دە 1,9%-عا جوعارى.

ەلىمىزدەگى جۇمىسسىزدىق دەڭگەيى ءبىر جىلدا وزگەرگەن جوق. وتكەن جىلدىڭ ءۇشىنشى توقسانىندا 4,9%، 2020 جىلدىڭ ءتيىستى كەزەڭىندە كورسەتكىش 5% ەدى.

ال 2019 جىلدىڭ ءۇشىنشى توقسانىندا ول 4,8%-دى قۇرادى.

2022 جىلدىڭ ءۇشىنشى توقسانىندا جۇمىسسىزدىقتىڭ ەڭ جوعارى دەڭگەيى تۇركىستان جانە ماڭعىستاۋ وبلىستارىندا بايقالدى. ياعني 5,3%.

سونداي-اق، الماتى مەن شىمكەنتتە، قىزىلوردا وبلىسى جانە بقو-دا جۇمىسسىزدىقتىڭ ورتاشا دەڭگەيى 5%-دان جوعارى بولدى.

وڭىرلەر اراسىندا جۇمىسسىزدىقتىڭ ەڭ تومەن دەڭگەيى ۇلىتاۋ وبلىسىندا (4,1%). ودان كەيىن قاراعاندى وبلىسى (4,3%) جانە استانا قالاسى (4,5%) ورنالاسقان.

قالالاردا جۇمىسسىزدىق دەڭگەيى اۋىلدارعا قاراعاندا جوعارى 4,9 پايىز كورسەتكىش 4,8%-عا قارسى.

سونىمەن قاتار، وتكەن جىلمەن سالىستىرعاندا قالالاردا جۇمىسسىزدىق دەڭگەيى تومەندەدى، ال اۋىلداردا كەرىسىنشە ءوستى.

قالالىق جەردە جۇمىسسىز حالىق سانى ءبىر جىل ىشىندە 0,7%-عا، ياعني 271,2 مىڭ ادامعا قىسقاردى، ال اۋىلدا 0,8%-عا، نەمەسە 179,1 مىڭ ادامعا دەيىن ءوستى.

گەندەرلىك تۇرعىدان العاندا، ايەلدەردىڭ جۇمىسسىزدىق دەڭگەيى ەرلەر دەڭگەيىنەن ەداۋىر جوعارى. 5,7% قارسى 4,1% جانە بۇل كورسەتكىش 2012 جىلدان بەرى ەڭ ۇلكەن الشاقتىق رەتىندە ساقتالىپ كەلەدى.

ءبىر جىل بۇرىن ايەلدەردىڭ جۇمىسسىزدىق دەڭگەيى 5,5%، ال ەرلەر اراسىندا 4,3%-دى قۇرادى.

قازاقستاندا جۇمىسسىز ايەلدەر سانى ءبىر جىلدا بىردەن 4,3%-عا ءوسىپ، وتكەن جىلدىڭ ءۇشىنشى توقسانىندا 257,4 مىڭ ادامعا جەتتى، ال جۇمىسسىز ەرلەر سانى 5,5%-عا ياعني 192,9 مىڭعا دەيىن قىسقاردى.

Abai.kz