بيىل شەتەلدەن جۇمىس كۇشىن تارتۋعا بولىنگەن كۆوتا كولەمى ەلىمىزدەگى جۇمىس كۇشىنىڭ 0,24 پايىزىن قۇرادى. جالپى سانى 22,2 مىڭ جۇمىسشى تارتىلادى.

2023 جىلى 4 ساناتتا كۆوتا ءبولىندى: ءبىرىنشى سانات - 949 رۇقسات (باسشىلار جانە ولاردىڭ ورىنباسارلارى), ەكىنشى سانات - 5 313 رۇقسات (قۇرىلىمدىق بولىمشەلەردىڭ باسشىلارى).

رۇقساتتىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 10 818 جانە 2 100.

سونداي-اق ماۋسىمدىق جۇمىستارعا 3 080 جۇمىس كۇشىن تارتۋ جوسپارلانعان.

بۇدان باسقا، 2023 جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتاردى تارتۋعا ارنالعان كۆوتا رەسپۋبليكاداعى جۇمىس كۇشىنىڭ سانىنىڭ 3,2% كولەمىندە بەلگىلەنگەن.

ەستەرىڭىزگە سالا كەتەيىك، 2022 جىلى جەرگىلىكتى اتقارۋشى ورگاندار جۇمىس بەرۋشىلەرگە شجك تارتۋ ءۇشىن 13,4 مىڭ رۇقسات بەردى جانە ۇزارتتى، بۇل - قايتا بولىنگەن كۆوتانىڭ 63,5% (21,1 مىڭ).

قازىرگى ۋاقىتتا قازاقستان اۋماعىندا جەرگىلىكتى اتقارۋشى ورگانداردىڭ رۇقساتى بويىنشا 13 951 شەتەل ازاماتى جۇمىس ىستەيدى.

2022 جىلى ءۇي شارۋاشىلىقتارىندا جۇمىس ىستەۋ ءۇشىن ەڭبەك يمميگرانتتارىن تارتۋعا 300 مىڭ كۆوتا بەلگىلەندى.

ال جەرگىلىكتى اتقارۋشى ورگاندار 272 002 رۇقسات بەردى.

Abai.kz