2023 جىلعى قاڭتاردىڭ ءبىرىنشى ونكۇندىگىنەن باستاپ مەملەكەتتىك شەكارانىڭ قازاقستان-قىتاي ۋچاسكەسىندە قىتاي تاراپى بۇرىن ەنگىزىلگەن شەكتەۋ جانە كارانتيندىك شارالاردى الىپ تاستايدى.

قىتاي تاراپى كولىك قۇرالدارىنىڭ قحر اۋماعىنا كىرۋ مۇمكىندىگىمەن تاسىمالداۋدىڭ پاندەمياعا دەيىنگى فورماتىنا ورالۋىمەن اۆتوكولىك قۇرالدارىن قابىلداۋعا نيەتتى. بۇل رەتتە اۆتوكولىك قۇرالدارىنىڭ جۇرگىزۋشىلەرىندە ۆيزالار، پتر تەستىلەرى، سونداي-اق ولاردىڭ كولىك قۇرالدارى حالىقارالىق ستاندارتتارعا سايكەس كەلۋى ءتيىس، دەپ حابارلايدى قر قارجى مينيسترلىگىنىڭ ءباسپاسوز قىزمەتى.

2023 جىلعى 09 قاڭتاردا مۇددەلى تاراپتاردىڭ جۇمىسىن ۇيلەستىرۋدى قامتاماسىز ەتۋ ماقساتىندا «قالجات» وتكىزۋ پۋنكتىنە قر قم مەملەكەتتىك كىرىستەر كوميتەتىنىڭ باسشىلىق قۇرامى سىرتقى ەكونوميكالىق قىزمەتكە قاتىسۋشىلارمەن كەزدەسۋ وتكىزدى.

وتكىزىلگەن جۇمىس كەڭەسى بارىسىندا شەكارا قىزمەتىمەن، جەرگىلىكتى اتقارۋشى ورگاندارمەن جانە تاسىمالداۋشىلارمەن بىرلەسىپ كەدەندىك راسىمدەردەن ءوتۋ، سونداي-اق مەملەكەتتىك شەكارادان ءوتۋ ءتارتىبى تۋرالى قاجەتتى تۇسىنىكتەمەلەر بەرىلدى.

مەملەكەتتىك كىرىستەر كوميتەتى كەدەندىك باقىلاۋ بويىنشا شەكاراداعى جاعدايعا تۇراقتى مونيتورينگ جۇرگىزۋدە.

Abai.kz