سايلاۋدان كەيىن سەناتقا جاڭا ادامدار دەپۋتات بولىپ كەلەدى. بۇل تۋرالى سەنات توراعاسى ماۋلەن اشىمباەۆ ايتتى.

«14 قاڭتاردا سايلاۋ وتەدى. وسى ورايدا 20 سەناتور سايلاناتىن بولادى. ءار وڭىردەن ءبىر دەپۋتاتتان كەلەدى. قازىر 20 ورىنعا 64 كانديدات تىركەلگەن. دەمەك، ءبىر ورىنعا 3 كانديداتتان كەلىپ تۇر. بۇل ءوز كەزەگىندە باسەكەلەستىك بار ەكەنىن ءبىلدىرىپ وتىر. وسى 64 كانديداتتىڭ اراسىندا 30 پايىزى ايەل ادامدار ەكەنى قۇپتارلىق ءۇردىس»، - دەدى م. اشىمباەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

سونىمەن قاتار ول سايلاۋداعى كانديداتتاردىڭ اراسىندا تورتەۋى قازىرگى سەناتورلار ەكەنىن ايتتى.

«ولار نەگىزىنەن بىلتىر جاڭادان قۇرىلعان وبلىستاردان كەلگەن سەناتورلار. سول سەبەپتى سەناتقا جاڭا ادامدار دەپۋتات رەتىندە كەلەتىنىن اتاپ وتكەن ءجون. قوعامدا قازىر جاڭا ادامدارعا دەگەن سۇرانىس بار. سوندىقتار پارلامەنتكە، سەناتقا جاڭا ادامدار كەلىپ جاتىر دەپ ايتۋعا بولادى»، - دەدى سەنات توراعاسى.

ەسكە سالساق، 2023 جىلدىڭ 14 قاڭتارىندا ەلىمىزدىڭ 20 وڭىرىنەن ءبىر-ءبىر سەنات دەپۋتاتىن سايلاۋ وتەدى.

Abai.kz