ىشكى ىستەر مينيسترلىگى قازاقستانعا 2022 جىلعى 1 قىركۇيەككە دەيىن اكەلىنگەن شەتەل اۆتوكولىكتەرىن ءبىر رەتتىك زاڭداستىرۋ قاشان باستالاتىنىن جاريالادى.

ىشكى ىستەر ءمينيسترىنىڭ ورىنباسارى يگور لەپەحتىڭ حابارلاۋىنشا، 11 قاڭتاردا ۇكىمەت مۇنداي كولىكتەردى تىركەۋ شارتتارى مەن مەرزىمىن بەكىتتى. جاڭا ءتارتىپ بيىل 23 قاڭتاردان باستاپ كۇشىنە ەنەدى.

"وسى كۇننەن باستاپ ءبىز شەتەل اۆتوكولىكتەرىن زاڭداستىرامىز", - دەدى يگور لەپەحا.

ءمينيستردىڭ ورىنباسارى قاي اۆتوكولىك 200 مىڭ تەڭگەلىك الىممەن زاڭداستىرىلاتىنىن، قاي ءتۇرى ۋتيليزاتسيا الىمىنان بوسايتىنىن ايتتى:

اۆتوكولىك 2022 جىلعى 1 قىركۇيەككە دەيىن ەلگە كىرۋى;
ىزدەۋدە بولماۋى;
باسقا مەملەكەتتە تىركەۋدەن الىنۋى;
كەدەن تازالاۋىنان ءوتۋى كەرەك.

ءىىم مالىمەتىنشە، ءتارتىپ 2023 جىلدىڭ 1 شىلدەسىنە دەيىن قولدانىلادى.

Abai.kz