قازاقستاندىق دانيل ۆاسيلەۆ شاڭعىمەن سەكىرۋ سپورتىنان اقش-تىڭ لەيك-پلەسيد قالاسىندا ءوتىپ جاتقان ۋنيۆەرسيادادا التىن مەدال جەڭىپ الدى. بۇل تۋرالى Sports.kz حابارلادى. 

ۆاسيلەۆ قالىپتى شاڭعىمەن سەكىرۋ جارىسىندا جەڭىسكە جەتتى. ءبىرىنشى تالپىنىستا ول 127,2 ۇپايمەن ءبىرىنشى ورىن السا، سوڭعى اينالىمدا ەكىنشى (130,1) بولىپ مارەگە جەتتى.

ەكى كەزەڭنىڭ قوسىندىسىندا وتانداسىمىز اۆستريالىق ماكسيميلليان لينحەردى (251,4) جانە تيمون پاسكال كاحوفەردى (248,8) باسىپ وزىپ، 257,3 ۇزدىك ناتيجە كورسەتتى.

باسقا قازاقستاندىق سپورتشىلاردىڭ ناتيجەسى مىناداي: سەرگەي تكاچەنكو – جەتىنشى (220,9), نيكيتا دەۆياتكين – توعىزىنشى (216,2), سۆياتوسلاۆ نازارەنكو – 20 (147,3), ماعجان امانگەلدىۇلى – 21 (144,5). ۆاسيلەۆتىڭ مەدالى قازاقستان ءۇشىن بيىلعى ۋنيۆەرسياداداعى ەكىنشى مەدال بولدى.

بۇعان دەيىن ءبىرىنشى «التىندى» بياتلونشى ۆاديم كۋرالەس جەڭىپ العان بولاتىن.

Abai.kz