ونىڭ سوزىنشە، ومبۋدسمەندەر ءۇش كەزەڭگە سوزىلاتىن گۋمانيتارلىق كومەك جايىندا كەلىسىمگە كەلگەن. ۋكراينا تاراپى 800 تۇتقىننىڭ، رەسەي 200 تۇتقىننىڭ ءتىزىمىن ۇسىنعان.

تۇركيا سونىمەن بىرگە جارالانعان اسكەريلەردى، بەيبىت تۇرعىنداردى، ءبىرىنشى كەزەكتە بالالار مەن ايەلدەردى، قاريالاردى سوعىس ايماعىنان الىپ شىعۋ ءۇشىن ستامبۇل ارقىلى گۋمانيتارلىق ءدالىز قۇرۋعا ۇسىنىس بىلدىرگەن. CNN-ءنىڭ تۇرىك قىزمەتىنىڭ حابارلاۋىنشا، جاقىن كۇندەرى گۋمانيتارلىق ءدالىز جونىندە تالقىلاۋ ءۇشىن رەسەي جانە ۋكراينا پرەزيدەنتتەرى ۆلاديمير پۋتين مەن ۆلاديمير زەلەنسكيمەن كەزدەسۋدى جوسپارلاپ وتىر.

11 قاڭتاردا تۇركيادا ۋكراينا مەن رەسەيدىڭ ادام قۇقىقتارى جونىندەگى وكىلدەرى دميتري لۋبينتس پەن تاتيانا موسكالكوۆا كەزدەسكەن. موسكالكوۆا تۆيتتەر پاراقشاسىنا كەزدەسۋ قورىتىندىسى بويىنشا 40 ورىس تۇتقىنىن قايتاراتىن بولدىق دەپ جازدى.

14 قاڭتاردا Reuters اگەنتتىگى ورىس تاراپتىڭ باستاماسىمەن تۇتقىندار الماسۋ بولمايتىن بولدى دەپ جازعان. بىراق موسكالكوۆا تۇتقىن الماۋ ورىن العانداي جازعان.

تۇركيا ناتو-عا مۇشە مەملەكەت. ۋكراينانى قارۋمەن قامتاماسىز ەتىپ جاتىر. سونىمەن بىرگە ۋكراينا مەن رەسەي اراسىندا بەيبىت كەلىسىمگە كەلۋ ءۇشىن ارااعايىن بولىپ ءجۇر.

Abai.kz