Respublica پارتياسى رەسمي تۇردە تىركەلدى. بۇل تۋرالى پارتيانىڭ باسشىسى ايداربەك حودجانازاروۆ فەيسبۋكتەگى پاراقشاسىندا حابارلاعان.

«ءبىزدىڭ رەسمي وكىلىمىز استانا قالاسىنىڭ حقو-لارىنىڭ بىرىندە Respublica پارتياسىنىڭ تىركەۋ قۇجاتتارىن قولىنا الدى. ەندى ءبىز ەلىمىزدىڭ جاڭا، رەسمي تىركەلگەن ساياسي كۇشىمىز»، دەپ جازدى ايداربەك حودجانازاروۆ الەۋمەتتىك جەلىدە.

ايتا كەتەيىك، پارتيانىڭ تەڭ توراعالارى - سىرىمبەك تاۋ، رۋسلان بەردەنوۆ، ماكسيم بارىشەۆ، دينارا شۋكيجانوۆا، قۋانىش شونباي، بەيبىت الىبەكوۆ جانە نۇرلان قويانباەۆ.

سونداي-اق، ادىلەت مينيسترلىگى 2023 جىلدىڭ 18 قاڭتارىندا «Respublica» پارتياسى» قوعامدىق بىرلەستىگىن تىركەۋدەن وتكىزدى.

«تىركەۋگە 2022 جىلعى 3 جەلتوقساندا وتكىزىلگەن ساياسي پارتيا قۇرۋ تۋرالى قۇرىلتاي سەزى، سونداي-اق «ساياسي پارتيالار تۋرالى» زاڭنىڭ 6-10-باپتارىندا كورسەتىلگەن قۇجاتتار نەگىز بولدى. تىركەۋگە ۇسىنىلعان قۇجاتتار قولدانىستاعى زاڭناماعا سايكەس تەكسەرىلدى جانە تىركەۋ تالاپتارىنا ساي دەپ تانىلدى» دەلىنگەن حابارلامادا.

وتكەن جىلعى 19 جەلتوقساندا قانات مۋسين پارلامەنت پالاتالارىنىڭ بىرلەسكەن وتىرىسىنان كەيىن باق وكىلدەرىنىڭ ساۋالىنا جاۋاپ بەرە وتىرىپ، وسى Respublica پارتياسى رەسمي تىركەلگەنىن ايتقان ەدى.

ارتىنشا، ادىلەت مينيسترلىگى جاڭا ساياسي پارتيا تىركەلگەنى جايلى ءوز اقپاراتىن جوققا شىعاردى.

ايتا كەتەيىك، بۇل - ەلىمىزدە تىركەلىپ وتىرعان جەتىنشى ساياسي پارتيا:

1. «AMANAT» پارتياسى;

2. «اق جول» قازاقستان دەموكراتيالىق پارتياسى;

3. «قازاقستان حالىق پارتياسى»;

4. «اۋىل» حالىقتىق-دەموكراتيالىق پاتريوتتىق پارتياسى;

5.«جالپىۇلتتىق سوتسيال-دەموكراتيالىق پارتيا»;

6. «بايتاق» قازاقستاندىق جاسىلدار پارتياسى;

7. «Respublica» پارتياسى.

Abai.kz