مەملەكەت باسشىسى قۇقىق قورعاۋ ورگاندارىنا جۋرناليستەرگە قارسى باعىتتالعان بىرقاتار قىلمىس بويىنشا مۇقيات تەرگەۋ جۇرگىزۋدى تاپسىردى. بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي حابارلادى.

«قوعامدىق قاۋىپسىزدىك پەن مەملەكەتتىڭ بەدەلىنە نۇقسان كەلتىرۋ ءۇشىن جاسالعان بۇل زاڭسىز ارەكەتتەردىڭ ورىنداۋشىلارى عانا ەمەس، تاپسىرىس بەرۋشىلەرى دە انىقتالۋعا ءتيىس", - دەپ جازدى ول Facebook-پاراقشاسىندا.

كەيىنگى كەزدە جۋرناليستەرگە جاسالعان شابۋىلدار كوبەيدى. 15 قاڭتاردا الماتىدا جۋرناليست دينارا ەگەۋباەۆانىڭ كولىگىن بەلگىسىز بىرەۋلەر ورتەپ كەتتى. ۇستالعان كۇدىكتىلەر «ينتەرنەت ارقىلى الدبىرەۋدەن تاپسىرىس العانىن» ايتقان. 19 قاڭتاردا جۋرناليست ۆاديم بورەيكونىڭ پاتەرىنىڭ ەسىگىنە بەلگىسىز ادامدار مونتاج كوبىگىن جاعىپ، جەلىمدەپ كەتكەن. ءجۋرناليستىڭ ايتۋىنشا، ولار پاتەردى ورتەپ جىبەرگىسى كەلگەن.

Abai.kz